ମୁମ୍ବାଇ,୧୫/୦୯:  SIIMA ସାଉଥ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ପୁରସ୍କାର ଭାବରେ ମଧ୍ୟ ଜଣାଶୁଣା । ଏହି ପୁରସ୍କାର କାର୍ଯ୍ୟ ଗତକାଲି ଅର୍ଥାତ ଗତ ୧୪ ସେପ୍ଟେମ୍ବରରେ ଦୁବାଇରେ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ସାଉଥ ଫିଲ୍ମ ଇଣ୍ଡଷ୍ଟ୍ରିର ସମସ୍ତ କଳାକାର ଅଂଶଗ୍ରହଣ କରିଥିଲେ ।  SIIMA ୨୦୨୪ ତେଲୁଗୁ ଏବଂ କନ୍ନଡ ଇଣ୍ଡଷ୍ଟ୍ରିର ବିଜେତା ତାରକାଙ୍କୁ ପ୍ରଥମ ଦିନରେ ପୁରସ୍କାର ଦେଇ ସମ୍ମାନିତ କରିଥିଲେ । ଏହି ପୁରସ୍କାର ତାରକା ଏବଂ ଚଳଚ୍ଚିତ୍ର ଟିମମାନଙ୍କୁ ଦିଆଯାଇଥିଲା ଯେଉଁମାନେ ୨୦୨୩ ମସିହାରେ ଉଲ୍ଲେଖନୀୟ ପ୍ରତିଭା ପ୍ରଦର୍ଶନ କରିଥିଲେ ।

ତେବେ ଏହି ଆୱାର୍ଡ ଶୋ'ରେ ନାନୀ ଶ୍ରେଷ୍ଠ ତେଲୁଗୁ ଅଭିନେତା ପୁରସ୍କାର ପାଇଥିବାବେଳେ ରକ୍ଷୀତ ଶେଟ୍ଟୀ ଶ୍ରେଷ୍ଠ କନ୍ନଡ ଅଭିନେତା ପୁରସ୍କାର ପାଇଥିଲେ । ସେହିପରି କିର୍ତ୍ତୀ ସୁରେଶ ଏବଂ ମୃଣାଲ ଠାକୁର ଶ୍ରେଷ୍ଠ ତେଲୁଗୁ ଅଭିନେତ୍ରୀ ପାଇଁ SIIMA ୨୦୨୪  ପୁରସ୍କାର ପାଇଥିଲେ । ଏଥିସହ ନାନୀଙ୍କ ଫିଲ୍ମ 'ଦଶେରା ଓ ହାଏ ନାନା' ବିଭିନ୍ନ ବର୍ଗରେ ଆୱାର୍ଡ ହାତେଇଥିବା ବେଳେ ରକ୍ଷୀତ ଶେଟ୍ଟୀଙ୍କ ଫିଲ୍ମ 'ସପ୍ତ ସାଗରଦେଚ ଏଲୋ' ୬ଟି ବର୍ଗରେ ଆୱାର୍ଡ ନିଜ ନାଁରେ କରିଛି । ଜେଲରେ ଥିବା ଦର୍ଶନଙ୍କ 'କାଟେରା' କନ୍ନଡ଼ରେ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ଏବଂ ନନ୍ଦାମୁରୀ ବାଲକୃଷ୍ଣ ଅଭିନୀତ 'ଭଗବତ କେଶରୀ' ତେଲୁଗୁ ଭାଷାରେ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ଲାଭ କରିଥିଲା । ବିଜୟ ଦେବରକୋଣ୍ଡାଙ୍କ ଭାଇ ଆନନ୍ଦ ଦେବରାକୋଣ୍ଡା ମୁଖ୍ୟ ଭୂମିକାରେ ଶ୍ରେଷ୍ଠ ଅଭିନେତା ଭାବେ ମଧ୍ୟ ପୁରସ୍କାର ପାଇଛନ୍ତି ।