ମାଲକାନଗିରି, ୨୬/୨(ଆପ୍ର ) : ମାଲକାନଗିରି ସହରରୁ ଉତ୍ତର ପ୍ରଦେଶର ଜଣେ ମୁକ ବଧିର ବାଳକଙ୍କୁ ଉଦ୍ଧାର କରାଯାଇଛି। ଉକ୍ତ ନାବାଳକଙ୍କୁ ଚାଇଲଡ ଲାଇନକୁ ହସ୍ତାନ୍ତର କରାଯାଇଛି। ନାବାଳକ ଜଣକ କିପରି ତାଙ୍କ ଘରକୁ ଫେରିବ ସେ ନେଇ ଚାଇଲଡ ଲାଇନ ବ୍ୟବସ୍ଥା କରୁଛି।
ପ୍ରାୟ ୪ ଦିନ ହେବ ମାଲକାନଗିରି ଆସି ନାବାଳକ ଜଣକ ଭିକ୍ଷା ବୃତ୍ତି କରୁଥିଲେ। ପିଲାଟିକୁ ସାମାଜିକ କର୍ମୀ ରାମକୃଷ୍ଣ ଚୌଧୁରୀ ଉଦ୍ଧାର କରି ଚାଇଲ୍ଡ ଲାଇନକୁ ଜିମା ଦେଇଥିଲେ। ଉକ୍ତ ବାଳକ ନିକଟରୁ କୌଣସି ପ୍ରମାଣପତ୍ର ମିଳି ନ ଥିଲା। ଉତ୍ତରପ୍ରଦେଶର ସୁଲତାନପୁର ଜିଲ୍ଲାର ବାସିନ୍ଦା ବୋଲି ଜଣାପଡିଛି। ନାବାଳକର ଆଧାର ଓ ଫୋନ୍ ହଜିଯାଇଥିବା ଯୋଗୁଁ ସେ ପରିବାର ସହ କୌଣସି ଯୋଗାଯୋଗ କରିପାରିନଥିବା "ଠାର" ମାଧ୍ୟମରେ କହିଥିଲା। ଚାଇଲ୍ଡ ଲାଇନ ତାର ଆଧାର କାର୍ଡ ବାହାରକରି ପୋଲିସ ସହାୟତାରେ ଘରକୁ ପଠାଇବା ବ୍ୟବସ୍ଥା କରିବ ବୋଲି ସାମାଜିକ କର୍ମୀ ଶ୍ରୀ ଚୌଧୁରୀ ସୂଚନା ଦେଇଛନ୍ତି ।
