ମାଲକାନଗିରି/କାଲିମେଳା, ୨୦/୨(ଆପ୍ର ): ଘରେ ପଶି ଜଣେ ଆଦିବାସୀ ମହିଳାଙ୍କୁ ମଦ ପିଆଇ ଦୁଷ୍କର୍ମ ପରେ ହତ୍ୟା । ମାଲକାନଗିର ଜିଲ୍ଲା କାଲିମେଳା ଥାନାସ୍ଥ ଏକ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି । ଏହି ଘଟଣାରେ ପୁଲିସ ଅଭିଯୁକ୍ତ ପୁଲିମେଟଲା ଗ୍ରାମର ଭିମା ପଡ଼ିଆମିଙ୍କୁ ଅଟକ ରଖିଛି । ମହିଳା ଜଣକ ଘରେ ଏକୁଟିଆ ଥିବା ସୁଯୋଗ ନେଇ ବୁଧବାର ଭିମା ପଡ଼ିଆମି ତାଙ୍କ ଘରେ ପଶି ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ମିଳିଥିବା ସୂଚନା ଅନୁଯାୟୀ ପୁଲିମେଟଲା ଗ୍ରାମ ଭିମା ପଡ଼ିଆମି ଓ ମହିଳା ଉଭୟ ମିଶି ବୁଧବାର ସକାଳେ ପୁଲିମେଟଳ ଗ୍ରାମକୁ ଯାଇଥିଲେ । ସେଠାରୁ ମହିଳାଙ୍କ ଘରକୁ ଫେରିଥିଲେ।ଘରେ ଉଭୟ ବସି ପ୍ରଚୁର ମଦ୍ୟପାନ କରିଥିଲେ । ତେବେ କିଛି ସମୟ ପରେ ମହିଳା ଜଣକ ଉଲଗ୍ନ ଅବସ୍ଥା ଘରେ ପଡିଥିଲେ। ଏହା ଦେଖି ମହିଳାଙ୍କ ଭଉଣୀ ଗ୍ରାମବାସୀଙ୍କୁ ଖବର ଦେଇଥିଲେ । ପରେ ଗ୍ରାମବାସୀ ପୋଲିସକୁ ଖବର ଦେଇଥିଲେ। ଘର ଭିତରେ ନିଶାଶକ୍ତ ଅବସ୍ଥାରେ ବସି ଥିବା ଭିମା ପଡ଼ିଆମିଙ୍କୁ ଗ୍ରାମବାସୀ ଦେଖି ତାକୁ ଗଛରେ ବାନ୍ଧି ନିସ୍ତୁକ ମାଡ ମାରିଥିଲେ । ଖବର ପାଇ ପୋଲିସ ପହଞ୍ଚି ଅଭିଯୁକ୍ତଙ୍କୁ ଉଦ୍ଧାର କରି କାଲିମେଳା ଥାନରେ ଅଟକ ରଖ୍ ପଚରାଉଚରା କରୁଛି । ପୁଲିସ ପକ୍ଷରୁ ଘଟଣାର ତଦନ୍ତ କରାଯାଉଛି। ପ୍ରକାଶ ଥାଉ କି ଉକ୍ତ ମହିଳାଙ୍କ ୧୦ବର୍ଷ ର ପୁଅ ଥିବା ବେଳେ ସ୍ବାମୀ ଦାଦନ ଖଟିବାକୁ ଆନ୍ଧ୍ରକୁ ଯାଇଛି ।
