ନୂଆଦିଲ୍ଲୀ,୧୦/୦୭: ବୈଶ୍ବିକ ପ୍ରତିରକ୍ଷା ସମ୍ପର୍କିତ ତଥ୍ୟ ଉପରେ ନଜର ରଖୁଥିବା ଓ୍ବେବସାଇଟ ଗ୍ଳୋବାଲ ଫାୟାରପାଓ୍ବାର ବିଶ୍ବର ସବୁଠାରୁ ଶକ୍ତିଶାଳୀ ସେନାଙ୍କ ତାଲିକା ଜାରି କରିଛି। ଗ୍ଳୋବାଲ ଫାୟାରପାଓ୍ବାର ତଥ୍ୟ ମୁତାବକ, ଆମେରିକା ପାଖରେ ବିଶ୍ବର ସବୁଠାରୁ ମଜବୁତ ସୈନ୍ୟଶକ୍ତି ରହିଛି। ଏହି ତାଲିକାରେ ଋଷ ଦ୍ବିତୀୟ ସ୍ଥାନରେ ରହିଛି। ସେହିପରି ଭାରତ ଚତୁର୍ଥ ସ୍ଥାନ ବଜାୟ ରଖିଛି।
ଗ୍ଳୋବାଲ ଫାୟାର ପାଓ୍ବାର ପକ୍ଷରୁ ଜାରି କରାଯାଇଥିବା 'ସୈନ୍ୟଶକ୍ତି ସୂଚି ୨୦୨୩'ରେ ବିଶ୍ବର ସବୁଠାରୁ ଦୁର୍ବଳ ସୈନ୍ୟ ଥିବା ରାଷ୍ଟ୍ରକୁ ମଧ୍ୟ ସ୍ଥାନିତ କରାଯାଇଛି। ଏଥିରେ ଭୁଟାନ ଓ ଆଇସଲ୍ୟାଣ୍ଡ ରହିଛି। ୬୦ ରୁ ଅଧିକ କାରଣ ଉପରେ ସେମାନଙ୍କୁ ମୂଲ୍ୟାଙ୍କନ କରାଯାଇଛି। ଗ୍ଲୋବାଲ୍ ଫାୟାର୍ ପାୱାର୍ କହିଛି ଯେ, ଏହା ପ୍ରତ୍ୟେକ ଦେଶକୁ ସାମରିକ ୟୁନିଟ୍ ପରିମାଣ ଏବଂ ଆର୍ଥିକ ସ୍ଥିତି ଠାରୁ ଆରମ୍ଭ କରି ସାମର୍ଥ୍ୟ ଏବଂ ଭୌଗୋଳିକ ଅବସ୍ଥାନ କୁ ଭିତ୍ତି କରି ସ୍କୋର ବାହାର କରିଛି। ଉଲ୍ଲେଖ ଯୋଗ୍ୟ ଯେ, ୨୦୨୧-୨୨ ରିପୋର୍ଟରେ ମଧ୍ୟ ବିଶ୍ବର ଶକ୍ତିଶାଳୀ ସେନା ତାଲିକାରେ ଭାରତର ସ୍ଥାନ ଚତୁର୍ଥରେ ଥିଲା।
![army: Infantry Day: 75 years of historic Indian Army landing at Srinagar airfield - The Economic Times](https://m.economictimes.com/thumb/msid-95129371,width-1599,height-886,resizemode-4,imgsize-142484/srinagar-enactment-of-air-landed-operations-of-the-indian-army-which-ensured-vi-.jpg)
ଡାଟା ୱେବସାଇଟ୍ କହିଛି ଯେ ଆମର ଅନନ୍ୟ ଇନ୍-ହାଉସ୍ ଫର୍ମୁଲା ଛୋଟ ଏବଂ ଅଧିକ ବୈଷୟିକ ଜ୍ଞାନକୌଶଳରେ ଉନ୍ନତ ଦେଶଗୁଡ଼ିକୁ ବୃହତ ଏବଂ କମ୍ ବିକଶିତ ଶକ୍ତି ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଅନୁମତି ଦିଏ। ସ୍ୱତନ୍ତ୍ର ସଂଶୋଧକ, ବୋନସ୍ ଏବଂ ଦଣ୍ଡ ଆକାରରେ, ତାଲିକାରେ ଅଧିକ ସୁଧାର ଅଣାଯିବା ପରେ ପ୍ରସ୍ତୁତ କରାଯାଏ। ବିଭିନ୍ନ ରାଷ୍ଟ୍ରର ସେନାରେ ହ୍ରାସ ଓ ବୃଦ୍ଧି ଉପରେ ମଧ୍ୟ ବିଶେଷଜ୍ଞ ମାନେ ନଜର ରଖି ଏହାକୁ ଓ୍ବେବସାଇଟରେ ଅପଲୋଡ କରିଥାଆନ୍ତି।
![Three years' service among new models Army is looking to use for recruitment](https://static.theprint.in/wp-content/uploads/2020/02/Indian-Army-4.jpg)
ଓ୍ବେବସାଇଟର ରିପୋର୍ଟ ମୁତାବକ, ପ୍ରଥମରେ ଆମେରିକା, ଦ୍ବିତୀୟରେ ଋଷ, ତୃତୀୟରେ ଚୀନ୍, ଚତୁର୍ଥରେ ଭାରତ, ପଞ୍ଚମରେ ବ୍ରିଟେନ, ଷଷ୍ଠରେ ଦକ୍ଷିଣ କୋରିଆ, ସପ୍ତମରେ ପାକିସ୍ତାନ, ଅଷ୍ଟମରେ ଜାପାନ, ନବମରେ ଫ୍ରାନ୍ସ ଏବଂ ଦଶମରେ ଇଟାଲି ରହିଛି। ସେହିପରି ବିଶ୍ବର ଦୁର୍ବଳ ଶକ୍ତିଶାଳୀ ସୈନ୍ୟ ଥିବା ରାଷ୍ଟ୍ର ମାନଙ୍କ ମଧ୍ୟରେ ପ୍ରଥମେ ଭୁଟାନ, ଦ୍ବିତୀୟରେ ବେନିନ, ତୃତୀୟରେ ମୋଲଦୋବା, ଚତୁର୍ଥରେ ସୋମାଲିଆ, ପଞ୍ଚମରେ ଲାଇବେରିଆ, ଷଷ୍ଠରେ ସୁରିନାମ, ସପ୍ତମରେ ବେଲିଜ, ଅଷ୍ଟମରେ ଆଫ୍ରିକା, ନବମରେ ଆଇସଲ୍ୟାଣ୍ଡ ଏବଂ ଦଶମରେ ସିଏରା ଲିୟୋନ ରହିଛି।
You can also read: କେତେବେଳେ ଡାକ୍ତର ତ କେତେବେଳେ ଇଞ୍ଜିନିୟର କହି ଦେଉଥିଲେ ପରିଚୟ, ୧୫ ମହିଳାଙ୍କୁ ମିଛ କହି କରିଥିଲେ ବିବାହ