ଲକ୍ଷ୍ନୌ: ଉତ୍ତର ପ୍ରଦେଶର ଯୋଗୀ ଆଦିତ୍ୟନାଥ ସରକାର ଗୁରୁବାର ରାଜ୍ୟ ବଜେଟ୍ ଉପସ୍ଥାପନ କରିଛନ୍ତି । ଏହା ଯୋଗୀ ସରକାରଙ୍କ ନବମ ବଜେଟ୍  । ରାଜ୍ୟ ଅର୍ଥମନ୍ତ୍ରୀ ସୁରେଶ ଖାନ୍ନା ୨୦୨୫-୨୬ ଆର୍ଥିକ ବର୍ଷ ପାଇଁ ବିଧାନସଭାରେ ୮,୦୮,୭୩୬ ଲକ୍ଷ କୋଟି ଟଙ୍କାର ବଜେଟ୍ ଉପସ୍ଥାପନ କରିଛନ୍ତି । ଏହା ୨୦୨୪-୨୫ ବଜେଟ୍ ଅପେକ୍ଷା ୯.୮ ପ୍ରତିଶତ ଅଧିକ । ୟୁପି ସରକାରଙ୍କ ଏହି ବଜେଟରେ, ଭିତ୍ତିଭୂମି ଠାରୁ ଆରମ୍ଭ କରି ସ୍ୱାସ୍ଥ୍ୟ ପର୍ଯ୍ୟନ୍ତ ଏବଂ କୃଷକଙ୍କଠାରୁ ଯୁବପିଢ଼ି ପର୍ଯ୍ୟନ୍ତ, ସମସ୍ତ କ୍ଷେତ୍ର ଏବଂ ବର୍ଗକୁ ବିଶେଷ ଧ୍ୟାନ ଦିଆଯାଇଛି । ୟୁପି ସରକାରଙ୍କ ଏହି ବଜେଟରେ ଅନେକ ବଡ଼ ଘୋଷଣା କରାଯାଇଛି, ଆସନ୍ତୁ ଜାଣିବା।

ୟୁପି ବଜେଟରେ ବଡ଼ ଘୋଷଣା 

ରାଜ୍ୟବାସୀଙ୍କ ସୁବିଧା ପାଇଁ ୟୁପି ସରକାର ୪ଟି ନୂତନ ଏକ୍ସପ୍ରେସୱେ ନିର୍ମାଣ କରିବେ।

ରାଜ୍ୟର ଯୁବକମାନଙ୍କୁ ସୁଧମୁକ୍ତ ଋଣ ଦିଆଯିବ।

ବାଙ୍କେ ବିହାରୀ କରିଡର ପାଇଁ ୧୫୦ କୋଟି ଟଙ୍କାର ବ୍ୟବସ୍ଥା।

ଉତ୍ତର ପ୍ରଦେଶରେ ୫୮ଟି ସ୍ମାର୍ଟ ସିଟି ନିର୍ମାଣ କରାଯିବ।

ରାଜ୍ୟର ମେଧାବୀ ଛାତ୍ରୀମାନଙ୍କୁ ସ୍କୁଟି ପ୍ରଦାନ କରାଯିବ।

ବିନ୍ଧ୍ୟଚଳରେ ଏକ ପରିକ୍ରମା ପଥ ନିର୍ମାଣ କରାଯିବ।

ଚାଷୀମାନଙ୍କ ପାଇଁ ମାଗଣା ଜଳସେଚନ ବ୍ୟବସ୍ଥା ।

ରାଜ୍ୟରେ ୯୨,୦୦୦ ନୂତନ ନିଯୁକ୍ତି ଦିଆଯିବ।

ରାଜ୍ୟରେ ଇଲେକ୍ଟ୍ରିକ୍ ବସ୍ ପାଇଁ ୧୦୦ କୋଟି ଟଙ୍କାର ବ୍ୟବସ୍ଥା।

ମୁଖ୍ୟମନ୍ତ୍ରୀ ସକ୍ଷମ ପୁଷ୍ଟି ଯୋଜନା ପାଇଁ ୧୦୦ କୋଟି ଟଙ୍କା ବ୍ୟୟବରାଦ।

ରାଜ୍ୟ ସଡ଼କ ପରିବହନ ନିଗମ ପାଇଁ ୪୦୦ କୋଟି ଟଙ୍କାର ବ୍ୟବସ୍ଥା।

ସଂଖ୍ୟାଲଘୁ ଛାତ୍ରଛାତ୍ରୀଙ୍କ ଲାଗି ଛାତ୍ରବୃତ୍ତି ବାବଦରେ ୩୬୫ କୋଟି ଟଙ୍କାର ବ୍ୟବସ୍ଥା।

ଓବିସି ଛାତ୍ରବୃତ୍ତି ପାଇଁ ୨୮୨୫ କୋଟି ଟଙ୍କା ଆବଣ୍ଟନ।

ମଥୁରାରେ ପର୍ଯ୍ୟଟନ ବୃଦ୍ଧି ପାଇଁ ୧୨୫ କୋଟି ଟଙ୍କା ଖର୍ଚ୍ଚ କରାଯିବ।

ପ୍ରତ୍ୟେକ ଗ୍ରାମପଞ୍ଚାୟତର ଗରିବ ପରିବାରର ମୌଳିକ ଆବଶ୍ୟକତା ପୂରଣ କରାଯିବ।

ସ୍ୱାସ୍ଥ୍ୟସେବା ଉପରେ ସରକାରଙ୍କ ସ୍ୱତନ୍ତ୍ର ଧ୍ୟାନ

ଅର୍ଥମନ୍ତ୍ରୀ ସୁରେଶ ଖାନ୍ନା ୨୦୨୫-୨୬ ଆର୍ଥିକ ବର୍ଷ ପାଇଁ ତାଙ୍କ ବଜେଟ୍ ଭାଷଣରେ କହିଛନ୍ତି ଯେ, ଉତ୍ତର ପ୍ରଦେଶର ବିଭିନ୍ନ ସରକାରୀ ଏବଂ ବେସରକାରୀ କ୍ଷେତ୍ରର ମେଡିକାଲ୍ କଲେଜ/ମେଡିକାଲ୍ ପ୍ରତିଷ୍ଠାନ/ବିଶ୍ୱବିଦ୍ୟାଳୟରେ ଡାକ୍ତରୀ ଶିକ୍ଷାରେ ୧୧,୮୦୦ MBBS ସିଟ୍ ଏବଂ ୩୯୭୧ ମାଷ୍ଟର୍ସ (PG) ସିଟ୍ ଉପଲବ୍ଧ ।  ଏହାର ଫାଇଦା ଉପକାର ଡାକ୍ତରୀ ଛାତ୍ରମାନେ ପାଉଛନ୍ତି । ଉତ୍ତର ପ୍ରଦେଶ ସରକାର ରାଜ୍ୟବାସୀଙ୍କୁ ଗୁଣାତ୍ମକ ଏବଂ ସୁଲଭ ଚିକିତ୍ସା ସୁବିଧା ଯୋଗାଇବା ପାଇଁ ଅନେକ ପ୍ରଭାବଶାଳୀ ପଦକ୍ଷେପ ନେଇଛନ୍ତି ବୋଲି ଅର୍ଥମନ୍ତ୍ରୀ କହିଛନ୍ତି ।