ମାଲକାନଗିରି/ଚିତ୍ରକୋଣ୍ଡା, ୨୪/୩ : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଥାନାସ୍ଥ ଗୋଜିଆଗୁଡା ରାସ୍ତାରେ ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ଦୁଇ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରେ ଜଣେ ମହିଳା ଅଛନ୍ତି।
ଚିତ୍ରକୋଣ୍ଡା ସଦର ନିକଟସ୍ଥ ଗୋଜିଆଗୁଡା ଗାଁ ନିକଟରେ ଉଭୟ ପଟରୁ ଆସୁଥିବା ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଏସାରକମ୍ପାନୀ ନିକଟ ଘାଟି ରାସ୍ତା ପଟୁ ଆସୁଥିବା ବାଇକ ଚାଳକ ଓ ଚିତ୍ରକୋଣ୍ଡା ବଜାର ଆଡୁ ଗୋଜିଆଗୁଡା ଆଡ଼କୁ ଯାଉଥିବା ବାଇକ ମଧ୍ୟରେ ଧକ୍କା ଲାଗିଥିଲା। ଏହି ଦୁର୍ଘଟଣାରେ କାଲିମେଳା ଅଞ୍ଚଳର ନିଳାଞ୍ଚଳ ସାହୁ ଓ ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ବଡ଼ପଦର ପଞ୍ଚାୟତର ରେଖାପାଲି ଗ୍ରାମର ଜମୁନା ଖରା ଗୁରୁତର ହୋଇଥିଲେ। ସ୍ଥାନୀୟ ଅଞ୍ଚଳବାସୀ ସଙ୍ଗେ ସଙ୍ଗେ ଉଭୟ ଆହାତଙ୍କୁ ନିକଟସ୍ଥ ଚିତ୍ରକୋଣ୍ଡା ଡାକ୍ତରଖାନାକୁ ଚିକିତ୍ସା ନିମନ୍ତେ ନେଇଥିଲେ।ଚିତ୍ରକୋଣ୍ଡା ଥାନା ପୁଲିସ ଘଟଣା ସ୍ଥଳରେ ପହଁଚି ବାଇକ ଦୁଇଟି କୁ ଜବତ କରିବା ସହିତ ଘଟଣାର ତଦନ୍ତ କରିଛନ୍ତି।
