ନୂଆଦିଲ୍ଲୀ: ଜମ୍ମୁ ଏବଂ କାଶ୍ମୀରର ଅନନ୍ତନାଗ ଜିଲ୍ଲାର ପହଲଗାମ୍ ସହରରେ ଥିବା ଏକ ପର୍ଯ୍ୟଟନ ସ୍ଥଳୀ ଉପରେ ଆଜି (ମଙ୍ଗଳବାର) ଆତଙ୍କବାଦୀ ମାନେ ଗୁଳିମାଡ କରିଛନ୍ତି । ଏହି ଗୁଳିମାଡ଼ରେ ଅତି କମରେ ୪ ଜଣ ପର୍ଯ୍ୟଟକ ଗୁରୁତର ଭାବେ ଆହତ ହୋଇଛନ୍ତି। ଏହି ଗୁଳିମାଡ ପହଲଗାମର ବୈସାରନ ଘାଟିର ଉପର ଅଞ୍ଚଳରେ ଏହି ଗୁଳିମାଡ ହୋଇଛି । ସୁରକ୍ଷା ବାହିନୀ ସଂପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ୍ ଚଳାଇଛନ୍ତି। ବିଶେଷ କଥା ହେଉଛି ଜମ୍ମୁ-କାଶ୍ମୀରର କିଛି ଅଞ୍ଚଳ ଅଛି ଯେଉଁଠାରେ ଆତଙ୍କବାଦ ଦେଖାଯାଇନଥାଏ,ପହଲଗାମ ମଧ୍ୟ ସେଥିମଧ୍ୟରେ ଅନ୍ତର୍ଭୁକ୍ତ। ଏଥର ଆତଙ୍କବାଦୀ ମାନେ ଏହାକୁ ମଧ୍ୟ ଟାର୍ଗେଟ କରିଛନ୍ତି।
ସୂଚନା ଦେଇ ପୋଲିସ କହିଛି ଯେ, ଏହି ଗୁଳିକାଣ୍ଡରେ ୪ ଜଣ ଆହତ ହୋଇଛନ୍ତି। ସୁରକ୍ଷା ବାହିନୀ ଦଳ ଏବେ ବି ସ୍ଥିତିର ସମୀକ୍ଷା କରୁଛନ୍ତି। ସୂତ୍ର ଅନୁସାରେ, ଆହତ ହୋଇଥିବା ଏହି ପର୍ଯ୍ୟଟକ ମାନେ ରାଜସ୍ଥାନରୁ ଆସିଥିଲେ। ଏହା ଏକ ପର୍ଯ୍ୟଟନ କ୍ଷେତ୍ର ଏବଂ ଗ୍ରୀଷ୍ମ ଛୁଟି ଆରମ୍ଭ ହେବାକୁ ଯାଉଛି, ତେଣୁ ଲୋକମାନେ ଧୀରେ ଧୀରେ ଏହି ଅଞ୍ଚଳକୁ ପରିଦର୍ଶନ କରିବା ପାଇଁ ଆସୁଛନ୍ତି। ଏହି ଆକ୍ରମଣ ପଛରେ ପାକିସ୍ତାନୀ ଆତଙ୍କବାଦୀଙ୍କ ହାତ ଥିବା କୁହାଯାଉଛି।
ସରକାରୀ ସୂତ୍ର ଅନୁଯାୟୀ, ସମ୍ପ୍ରତି ପାକିସ୍ତାନ ସେନା ମୁଖ୍ୟ ଅସୀମ ମୁନୀର ହିନ୍ଦୁମାନଙ୍କ ବିରୁଦ୍ଧରେ ଏକ ଉତ୍ତେଜନାପୂର୍ଣ୍ଣ ବୟାନ ଦେଇଥିଲେ। ଏହା ପରେ ତୁରନ୍ତ ଆତଙ୍କବାଦୀ ମାନେ ପର୍ଯ୍ୟଟକଙ୍କୁ ଟାର୍ଗେଟ କରିଥିଲେ। ସରକାରୀ ସୂତ୍ର ଗୁଡ଼ିକ ଦାବି କରିଛନ୍ତି ଯେ ଏହା ସ୍ପଷ୍ଟ ଥିଲା ଯେ, ଅସୀମ ମନୀର ଜମ୍ମୁ ଓ କାଶ୍ମୀରରେ ଆକ୍ରମଣ କରିବା ପାଇଁ ଲସ୍କର, ଜୈଶ ଏବଂ ହିଜବୁଲ ଭଳି ଆତଙ୍କବାଦୀ ଗୋଷ୍ଠୀ ଗୁଡ଼ିକୁ ଉସୁକାଉଥିଲେ। ଏହା ସହିତ, କିଛି ଦିନ ମଧ୍ୟରେ ଅମରନାଥ ଯାତ୍ରା ମଧ୍ୟ ଆରମ୍ଭ ହେବାକୁ ଯାଉଛି।
