ନୂଆଦିଲ୍ଲୀ,୨୨।୪: ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ)ର ବ୍ୟବହାର ଏବେ ସବୁ ସ୍ଥାନରେ ଚାଲିଛି। ଏଆଇ ଲୋକଙ୍କ ଚାକିରୀ ମଧ୍ୟ ଖାଇବାରେ ଲାଗିଛି। ଏବେ କନ୍ନଡ ସିନେମାରେ ଏକ ଐତିହାସିକ ସଫଳତା ମିଳିଛି। ଦୁନିଆରେ ପ୍ରଥମ ଥର ଏଆଇ ଦ୍ବାରା ରିଲିଜ୍ ହେବାକୁ ଯାଉଛି ଫିଲ୍ମ ‘ଲଭ୍ ୟୁ’। ଯାହାର ଡାଇରେକ୍ଟର ଅଛନ୍ତି ଏସ୍.ନରସିଂହମୂର୍ତ୍ତି। ସେ ଏହି ଫିଲ୍ମକୁ ‘ଡିଜିଟାଲ ଚମତ୍କାର’ ବୋଲି ଘୋଷଣା କରିଛନ୍ତି।
ଏହି ଫିଲ୍ମରେ ସବୁଠାରୁ ବଡ଼ କଥା ହେଲା ଏହାର ସବୁ ପାତ୍ର, ଫ୍ରେମ୍, ଗୀତ, ଡାଇଲଗ୍ସ, କ୍ୟାରେକ୍ଟର ଆନିମେସନ୍, ଲିପ୍-ସିକିଙ୍ଗ ଓ ଏପରିକି କ୍ୟାମେରା ମୁଭମେଣ୍ଟ ମଧ୍ୟ ସମ୍ପୂର୍ଣ୍ଣ ଭାବରେ ଆର୍ଟିଫିସିଆଲ ଇଣ୍ଟେଲିଜେନ୍ସ ସାହାଯ୍ୟରେ ତିଆରି କରାଯାଇଛି। ଏହି ପ୍ରୋଜେକ୍ଟରେ ଏଆଇ ଇଞ୍ଜିନିୟର ନୂତନ କୋଡିଂର ଦାୟିତ୍ବରେ ଅଛନ୍ତି। ସେଭଳି ସୁନ୍ଦର ରାଜ ଗୁଡ୍ଡୁ ଫିଲ୍ମର କ୍ରିଏଟିଭ ପାର୍ଟର ଦାୟିତ୍ବ ଗ୍ରହଣ କରିଛନ୍ତି।
ପାରମ୍ପାରିକ ଫିଲ୍ମରେ ଶତାଧିକ ଲୋକଙ୍କ ଟିମ୍, ଆକ୍ଟର, ସୁଟିଂ ଲୋକେସନ୍ ଓ ବଡ଼ ସେଟ୍ର ଦରକାର ପଡିନି। ସେଭଳି ‘ଲଭ ୟୁ’ କୁ କିଛି ଲୋକଙ୍କ ଛୋଟ ଟିମ୍ ଏଆଇ ଟେକ୍ନୋଲୋଜି ଜରିଆରେ ତିଆରି କରାଯାଇଛି। ଏହି ଫିଲ୍ମ ୯୫ ମିନିଟର ରହିଛି ଓ ଖାସ୍ କଥା ଏହା ଯେ, ଏଥିରେ ୧୨ ଅରିଜିନାଲ ଗୀତ ମଧ୍ୟ ରହିଛି, ଯାହାକୁ ଏଆଇ କମ୍ପୋଜ ଓ ପ୍ରଡ୍ୟୁସ୍ କରିଛି। ଫିଲ୍ମରେ ଖୁବ୍ ସୁନ୍ଦର ଭିଜୁଆଲ, ଇମୋସନାଲ ସିନ୍ ଓ ମ୍ୟୁଜିର ଅନୁଭବ ନେଇପାରିବେ। ଏହାକୁ ଦେଖିବା ପରେ ଜାଣିପାରିବେନି ଯେ, ପ୍ରତ୍ୟେକଟି ପାତ୍ର ମଣିଷ ନୁହେଁ, ବଂର ମେସିନ୍। ନିକଟରେ ଏହି ଫିଲ୍ମକୁ ସିବିଏଫସି(ସେନସର ବୋର୍ଡ)ରୁ ପ୍ରମାଣ ପତ୍ର ମିଳିସାରିଛି ଓ ଖୁବ୍ ଶୀଘ୍ର ଏହି ଫିଲ୍ମ ପୁରା ଦେଶର ସିନେମା ଘରେ ରିଲିଜ୍ ହେବାର ଅଛି।
