ନୂଆଦିଲ୍ଲୀ, ୨୨/୪ : ପାକିସ୍ତାନର ଥରପାରକରରୁ ସାମ୍ନାକୁ ଆସିଛି ଏକ ଅଭାବନୀୟ ଘଟଣା । ଏଠାରେ ୮୦ରୁ ଅଧିକ ମୟୁରଙ୍କ ମୃତ୍ୟୁ ହୋଇଥିବାବେଳେ ୧୦୦ରୁ ଊର୍ଦ୍ଧ୍ବ ଅସୁସ୍ଥ ହୋଇପଡ଼ିଥିବା ଜଣାପଡ଼ିଛି । କୌଣସି ଏକ ଅଜଣା ରୋଗରେ ମୟୁର ଗୁଡ଼ିକ ଅସୁସ୍ଥ ହୋଇପଡ଼ିଥିଲେ । ପରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ, ପାନୀୟ ଜଳ ଏବଂ ଖାଦ୍ୟର ଘୋର ଅଭାବ ସେମାନଙ୍କ ମୃତ୍ୟୁ କାରଣ ବୋଲି କୁହାଯାଉଛି ।
ସ୍ଥାନୀୟ ବାସିନ୍ଦାଙ୍କ ସୂଚନା ଅନୁସାରେ ନଗରପାରକର, ଇସଲାମକୋଟ ଏବଂ ଚାଚରୋ ତହସିଲ ସମେତ ପ୍ରଭାବିତ ଅଞ୍ଚଳରେ ମୟୁରମାନଙ୍କ ମଧ୍ୟରେ ଫ୍ଲୁ, ଜ୍ବର, ଗଳାରେ ଇନଫେକ୍ସନ ଏବଂ କିଛି କ୍ଷେତ୍ରରେ ଦୃଷ୍ଟି ଶକ୍ତି ହ୍ରାସର ଲକ୍ଷଣ ଦେଖାଯାଉଥିଲା ।
ପ୍ରଚଣ୍ଡ ଗ୍ରୀଷ୍ମ ପ୍ରବାହରୁ ଜଙ୍ଗଲ ଅଞ୍ଚଳରେ ଦେଖାଯାଉଛି କି ବହୁ କଷ୍ଟରେ ଜୀବଜନ୍ତୁମାନେ ରହୁଛନ୍ତି । କର୍ତ୍ତୃପକ୍ଷ ଏ ପର୍ଯ୍ୟନ୍ତ ରୋଗର କାରଣ ନିଶ୍ଚିତ କରିନାହାଁନ୍ତି । ସେମାନେ ପ୍ରଭାବିତ ଅଞ୍ଚଳଗୁଡ଼ିକରେ କୌଣସି ଆନୁଷ୍ଠାନିକ ତଦନ୍ତ କିମ୍ବା ଜରୁରୀକାଳୀନ ପ୍ରତିକ୍ରିୟା ମଧ୍ୟ ଘୋଷଣା କରିନାହାଁନ୍ତି। ପରିସ୍ଥିତି ଆହୁରି ଖରାପ ହେବାରେ ଲାଗିଥିବାରୁ ସ୍ଥାନୀୟ ବାସିନ୍ଦାମାନେ ଚିନ୍ତିତ ହେଉଛନ୍ତି।
