ଭୁବନେଶ୍ୱର, ୨୪।୧୦: ବଢ଼ୁଛି ବାତ୍ୟା ଭୟ । ଦାନାକୁ ନେଇ ଆତଙ୍କିତ ଲୋକେ । ବିଭିନ୍ନ ତଳିଆ ଅଞ୍ଚଳରୁ ସୁରକ୍ଷିତ ସ୍ଥାନକୁ ଲୋକଙ୍କୁ କରାଯାଉଛି ସ୍ଥାନାନ୍ତର । ସହାୟତା ଲାଗି ଜାରି ହେଲା ହେଲ୍ପ ଲାଇନ୍ ନଂ । ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର ଓ ପୁରୀ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ନେଇ ଜାରି ହୋଇଛି ରେଡ୍ ୱାର୍ଣ୍ଣିଂ । ଅନ୍ୟପଟେ ୨୪ ଘଣ୍ଟିଆ ନିୟନ୍ତ୍ରଣ କକ୍ଷ ମଧ୍ୟ ଖୋଲାଯାଇଛି । ଏଥିସହିତ ସମସ୍ତ ଜିଲ୍ଲା ପ୍ରଶାସନ ମଧ୍ୟ ଟୋଲ୍ ଫ୍ରି ନମ୍ୱର ଜାରି କରିଛନ୍ତି । କୌଣସି ସମସ୍ୟା ହେଲେ ଏହି ନମ୍ୱରରେ ଯୋଗାଯୋଗ କରିବାକୁ ଜନସାଧାରଣଙ୍କୁ ପ୍ରଶାସନ ପକ୍ଷରୁ କୁହାଯାଇଛି ।
ବାତ୍ୟା ଦାନା ପ୍ରଭାବରେ ଶୁକ୍ରବାର ପର୍ଯ୍ୟନ୍ତ ବିଭିନ୍ନ ଜିଲ୍ଲାରେ ଭୀଷଣ ପବନ ସହ ଅତି ପ୍ରବଳ ବର୍ଷା ହେବା ନେଇ ପାଣିପାଗ ବିଭାଗ ପକ୍ଷରୁ ଜାରି ହୋଇଛି ସତର୍କ ସୂଚନା । ନିୟନ୍ତ୍ରଣ କକ୍ଷ ନମ୍ୱରଗୁଡ଼ିକ 06712422032 ଓ 299-2800 ଜାରି କରାଯାଇଛି । ବାତ୍ୟା ମୁକାବିଲା ପାଇଁ ଏସ୍ଆର୍ସିଙ୍କ କାର୍ଯ୍ୟାଳୟ ତରଫରୁ ରାଜ୍ୟ କଣ୍ଟ୍ରୋଲ ରୁମ୍ ଖୋଲାଯାଇଛି । ଜରୁରୀକାଳୀନ ସ୍ଥିତିରେ ଲୋକଙ୍କୁ ସହାୟତା ପାଇଁ ରାଜ୍ୟ କଣ୍ଟ୍ରୋଲ ରୁମ୍କୁ ଟୋଲ ଫ୍ରି ହେଲ୍ପଲାଇନ ନଂ 1070ରେ ଫୋନ୍ କରିବାକୁ କୁହାଯାଇଛି । ଏହାସହିତ ୦୬୭୪-୨୫୩୪୧୭୭ କିମ୍ବା ୭୬୮୨୯୮୨୬୬୮ ମୋବାଇଲ୍ ନଂରେ ଯୋଗାଯୋଗ କରିହେବ । ବାତ୍ୟା ସମୟରେ ଅପ୍ଡେଟ୍ ସୂଚନା ଦେବା ପାଇଁ ସୂଚନା ଓ ଲୋକ ସମ୍ପର୍କ ବିଭାଗ ଏବଂ ଅଗ୍ନିଶମ ବିଭାଗକୁ କୁହାଯାଇଛି । ଉଭୟ ବିଭାଗ ନିଜ ନିଜର ସୋସିଆଲ ମିଡିଆ ପ୍ଲାଟଫର୍ମରେ ୨୪ ତାରିଖ ରାତିରୁ ୨୫ ତାରିଖ ସନ୍ଧ୍ୟା ପର୍ଯ୍ୟନ୍ତ ପ୍ରତି ୩ ଘଣ୍ଟା ବ୍ୟବଧାନରେ ସୂଚନା ଦେବାକୁ ନିର୍ଦ୍ଦେଶ ଦେଇଛନ୍ତି ଏସ୍ଆର୍ସିଙ୍କ କାର୍ଯ୍ୟାଳୟ ।
ଏହାବାଦ୍ ପ୍ରତି ଜିଲ୍ଲା ପାଇଁ ଜାରି କରାଯାଇଛି ହେଲ୍ପଲାଇନ ନଂ । ଜାଣିନିଅନ୍ତୁ ଆପଣଙ୍କ ଜିଲ୍ଲାର ହେଲ୍ପଲାଇନ୍ ନଂ । ବାଲେଶ୍ୱରର- 06782262286 କିମ୍ୱା 06782261077, ମୟୁରଭଞ୍ଜ- 06792252759 କିମ୍ୱା 06792252941, ଭଦ୍ରକ- 06784251881, ଯାଜପୁର- 06728222648, କେନ୍ଦ୍ରାପଡ଼ା- 06727232803, କେନ୍ଦୁଝର- 06766255437, ଜଗତସିଂହପୁର- 06724220368, କଟକ- 06712507842, ଢେଙ୍କାନାଳ- 06762226507, 06762221376, ଅନୁଗୁଳ- 6764230980, ପୁରୀ- 06752223237, ଖୋର୍ଦ୍ଧା- 06755220002, ଗଞ୍ଜାମ- 06811263978, ନୟାଗଡ଼- 06753252978, ନୟାଗଡ଼- 06753252978 । ସେହିଭଳି ବିଏମ୍ସି ସହାୟତା ନମ୍ୱର ପାଇଁ ୧୯୨୯ରେ କଲେ କରିପାରିବେ ।
