ନୂଆଦିଲ୍ଲୀ : ମଣିଷଙ୍କ ଦ୍ୱାରା ବ୍ୟବହୃତ ସ୍ଥାନ ଆଜିକାଲି ପୋଷା ଜୀବଙ୍କର ଅନୁକୂଳ ସ୍ଥାନ ପାଲଟି ଯାଇଛି। କଫି ସପ୍, ରେଷ୍ଟୁରାଣ୍ଟ ,ହୋଟେଲ କି ଅଫିସ୍ ହେଉ ସବୁଠି ଏବେ ପୋଷା ଜୀବମାନେ ଆସ୍ଥାନ ଜମେଇବା ଏକ ସାଧାରଣ କଥା ହୋଇ ଯାଇଛି। ଜାପାନରେ ଏକ ଏମିତି ଅଫିସ ଆଉ ପାଦେ ଆଗେଇ ଯାଇଛି। ସେହି କମ୍ପାନୀ ୧୦ଟି ପୋଷା ଜୀବଙ୍କୁ କାମରେ ଲଗେଇଛି। ଏହି ବିଲେଇ ମାନେ କେବଳ ଅଫିସରେ ବୁଲୁ ନାହାନ୍ତି , ସେହି କମ୍ପାନୀର ତାଙ୍କର ସ୍ୱତନ୍ତ୍ର ପଦ ପଦବୀ ରହିଛି। ଏମିତି କି ଏକ ‘ଚେୟାରକ୍ୟାଟ୍ ’ମଧ୍ୟ ରହିଛି, ଯାହାକି କମ୍ପାନୀରେ ସବୁଠୁ ଉଚ୍ଚ ପଦବୀ।
ୱିଓନ୍ୟୁଜ୍ ଡଟ୍ କମ୍ରେ ପ୍ରକାଶିକ ତଥ୍ୟ ଅନୁସାରେ , ଜାପାନୀ ଟେକ୍ କମ୍ପାନୀ କ୍ୟୁନୋଟ୍ ସର୍ବ ପ୍ରଥମେ ୨୦୦୪ରେ ଏକ ସୁଶି ରେଷ୍ଟୁରାଣ୍ଟରେ ଗୋଟିଏ ବିଲେଇକୁ ରଖିଥିଲା। ଆଜି ଏହି ଅଫିସରେ ୧୦ଟି ବିଲେଇ କର୍ମଚାରୀ ରହୁଛନ୍ତି। ଅଫିସ ସେହି ବିଲେଇ ଗୁଡ଼ିକୁ ଯଥାସମ୍ଭବ ଉଚିତ ଉପାୟରେ ସେଠାରେ ଥଇଥାନ କରିଛି। କମ୍ପାନୀରେ କାମ କରୁଥିବା ୩୨ ଜଣ ମାନବ କର୍ମଚାରୀଙ୍କ ସହ ବିଲେଇ ମାନେ ସାଥିରେ ରହିଥାନ୍ତି ଏବଂ ଯେତେବେଳେ ଯେଉଁ କାମ ଦରକାର ହୁଏ ସେମାନେ ଭଲ ଭାବେ ସାହାଯ୍ୟ କରନ୍ତି।
କହି ରଖୁଛୁ କି , ୨୦୨୦ରେ ଯେତେବେଳେ କମ୍ପାନୀର ଅଫିସ ଏକ ୪ ମହଲା ବିଶିଷ୍ଟ ବଡ଼ ବିଲ୍ଡିଂକୁ ସିଫ୍ଟ ହେଲା ,ତ ସେତେବେଳେ ବିଲେଇଙ୍କ ପାଇଁ ସ୍ଥାନକୁ ଆରାମଦାୟକ କରିବା ପାଇଁ ଯଥାସମ୍ଭବ ପ୍ରୟାସ କରାଯାଇ ଥିଲା। ୨ୟ ଓ ୩ୟ ମହଲାରେ ବିଲେଇଙ୍କ ଯତ୍ନକୁ ଧ୍ୟାନରେ ରଖି ଅନେକ ପରିବର୍ତ୍ତନ କରାଯାଇ ଥିଲା।
କାର୍ଯ୍ୟାଳୟରେ ୧୨ ଟି ବିଲେଇ ଶୌଚାଳୟ ଓ ବିଲେଇ ଆଲମାରୀ ରହିଛି। ଜୀବମାନଙ୍କୁ ସ୍ୱଚ୍ଛନ୍ଦରେ ବୁଲିବାକୁ ସ୍ୱାଧନତା ରହିଛି , କାରଣ କାନ୍ଥ ଗୁଡ଼ିକୁ ନଖ ଚିହ୍ନରୁ ରକ୍ଷା ପାଇଁ କଲର କରାଯାଇଛି।
ଉକ୍ତ ଅଫିସରେ ଏହି ବିଲେଇଙ୍କର ବାସ୍ତବରେ ସ୍ୱତନ୍ତ୍ର ପୋଜିସନ ରହିଛି। ଏଥିରେ ବସଙ୍କ ଠାରୁ ବି ବଡ଼ ପଦ ରହିଛି। ସେଥି ମଧ୍ୟରେ ଗୋଟିଏ ଚିଫ୍ କ୍ଲର୍କ , ମ୍ୟାନେଜର ଓ ଏକ ଅଡିଟର ପଦ ରହିଛି। ଚେୟାରକ୍ୟାଟ୍ ହେଉଛି୨୦ ବର୍ଷିୟ ଫୁତାବା, ଯାହା କମ୍ପାନୀରେ ସବୁଠୁ ଅଧିକ ଉଚ୍ଚ ପଦର କର୍ମଚାରୀ , ଏମିତି କି ବସ ନୋବୁୟୁକୀଙ୍କ ଠାରୁ ଉପରେ।
