ନବରଙ୍ଗପୁର,୨୧/୫ : ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍ଏସ୍ଇ) ପରିଚାଳିତ ଯୁକ୍ତ ୨ବାର୍ଷିକ ପରୀକ୍ଷା ଫଳ ପ୍ରକାଶ ପାଇଛି । ଏଥିରେ ନବରଙ୍ଗପୁର ଜିଲ୍ଲାରେ ଯୁକ୍ତ ୨ କଳାରେ ୬୮.୧୩ ପ୍ରତିଶତ ପରୀକ୍ଷା ଫଳ ହୋଇଛି । ସେଭଳି ଯୁକ୍ତ ୨ବିଜ୍ଞାନରେ ୮୧.୬୬ ଓ ବାଣିଜ୍ୟରେ ୭୬.୯୪ ପରୀକ୍ଷା ଫଳ ହୋଇଛି। ଯୁକ୍ତ ୨ କଳାରେ ୫୩୦୦ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ସେଥିରୁ ୩୬୧୧ଜଣ ଛାତ୍ର ଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି। ସେଥ୍ରୁ ୨୪୨ଜଣ ପ୍ରଥମ ସ୍ଥାନ ହାସଲ କରିଛନ୍ତି।
ସେହିଭଳି ୫୪୭ଜଣ ଦ୍ଵିତୀୟ ଓ ୨୮୨୨ଜଣ ଛାତ୍ରଛାତ୍ରୀ ତୃତୀୟ ସ୍ଥାନ ହାସଲ କରିଛନ୍ତି । ସେହିଭଳି ଯୁକ୍ତ ୨ ବିଜ୍ଞାନରେ ୨୨୪୮ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥିରୁ ୨୦୦୪ ଜଣ ଉତ୍ତୀର୍ଣ୍ଣ ହୋଇଛନ୍ତି। ସେଥି ମଧ୍ୟରୁ ୬୮୦ଜଣ ପ୍ରଥମ, ୬୩୪ଜଣ ଦ୍ଵିତୀୟ ଓ ୫୯୬ଜଣ ତୃତୀୟ ଓ ୯୪ଜଣ କମ୍ପାଟମେଣ୍ଟରେ ପାସ କରିଛନ୍ତି। ସେହିଭଳି ବାଣିଜ୍ୟରେ ୩୯୯ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥିମଧ୍ୟରୁ ୩୦୭ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି। ସେହିଭଳି ୮୦ଜଣ ପ୍ରଥମ, ୫୫ଜଣ ଦ୍ଵିତୀୟ ଓ ୧୭୧ଜଣ ତୃତୀୟ ଓ ଜଣେ କମ୍ପାଟମେଣ୍ଟରେ ପାସ ହୋଇଛନ୍ତି।
