କଣ୍ଟାବାଞ୍ଜି,୨୧/୫ : ଭାରତୀୟ ସୈନିକଙ୍କ ଉଦ୍ଦେଶ୍ୟରେ ନିଜର ୩ ମାସର ଦରମା ପ୍ରଧାନମନ୍ତ୍ରୀ ରିଲିଫ ପାଣ୍ଠିକୁ ଦେଲେ ବିଧାୟକ । କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ନିଜର ୩ମାସର ଦରମା ୧ ଲକ୍ଷ ୫ହଜାର ଆଜି ପ୍ରଧାନମନ୍ତ୍ରୀ ରିଲିଫ ପାଣ୍ଠିକୁ ଦାନ କରିଛନ୍ତି ।
ଅପରେସନ ସିନ୍ଦୁରରେ ଆମର ଭାରତୀୟ ସୈନିକ ନିଜର ପରାକ୍ରମ ଦେଖାଇ ଏହି ମିଶନକୁ ସଫଳ କରିଛନ୍ତି। ଫଳରେ ଆମେ ପ୍ରତ୍ୟେକ ଗାଁରେ ତ୍ରିରଙ୍ଗା ଯାତ୍ରା କରି ଭାରତୀୟ ସେନାକୁ ସଲାମ କରୁଛୁ । ଆଜି ତାଙ୍କ ଉଦ୍ଦେଶ୍ୟରେ ବିଧାୟକ ଏଭଳି ପଦକ୍ଷେପ ନେଇଥିବା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସମ୍ମଳନୀରେ ବରିଷ୍ଠ ବିଜେପି ନେତା ଶିବାଜି ମହାନ୍ତି ମଧ୍ୟ ଉପସ୍ଥିତ ଥିଲେ । ବିଧାୟକ କଣ୍ଟାବାଞ୍ଜି ତହସିଲଦାର ବିଶନାଥ ଖାଲକୋଙ୍କ ଜରିଆରେ ୧ ଲକ୍ଷ ୫ ହଜାର ଟଙ୍କାର ଏକ ଚେକ ପ୍ରଧାନମନ୍ତ୍ରୀ ରିଲିଫ ପାଣ୍ଠିକୁ ପ୍ରଦାନ କରିଛନ୍ତି ।
