ନୂଆଦିଲ୍ଲୀ,୨୧/୦୫: କର୍ଣ୍ଣାଟକର କନ୍ନଡ଼ ଲେଖିକା ବାନୁ ମୁସ୍ତାକଙ୍କ ଷ୍ଟର୍ଟ ଷ୍ଟୋରୀ ହାର୍ଟ ଲ୍ୟାମ୍ପ ଅନ୍ତର୍ଜାତୀୟ ବୁକର ପୁରସ୍କାରରେ ସମ୍ମାନିତ ହୋଇଛନ୍ତି । ଏହା ସହିତ ଏହି ପୁସ୍ତକର ଇଂରାଜୀ ଅନୁବାଦ କରିଥିବା ଦୀପା ଭସ୍ତାଙ୍କୁ ମଧ୍ୟ ସଯୁକ୍ତ ରୂପରେ ପୁରସ୍କାର ପ୍ରଦାନ କରାଯାଇଛି । ବାନୁ ମୁସ୍ତାକଙ୍କ ହାର୍ଟ ଲ୍ୟାମ୍ପ ଏବେ ଲଣ୍ଡନର ପ୍ରସିଦ୍ଧ ଜିବିପି ୫୦ ହଜାରରେ ଅନ୍ତର୍ଜାତୀୟ ପୁରସ୍କାର ଜିତିଥିବା ପ୍ରଥମ କନ୍ନଡ଼ ପୁସ୍ତକ ହୋଇଛି ।
ବୁକର ପୁରସ୍କାରରେ ସମ୍ମାନିତ ବାନୁ ଖୁସି ବ୍ୟକ୍ତି କରିଛନ୍ତି, ସେ କହିଛନ୍ତି, ଏହା ଆକାଶକୁ ଆଲୋକ ଦେଉଥିବା ତାରା ପରି ଲାଗୁଛି... କର୍ଣ୍ଣାଟକର ପ୍ରସିଦ୍ଧ ଲେଖିକା ତଥା ସମାଜସେବୀ ୭୭ ବର୍ଷୀୟ ବାନୁ ମୁସ୍ତାକ ତାଙ୍କ ଲେଖାରେ ମହିଳାଙ୍କୁ ଗୁରୁତ୍ୱ ଦେଉଥିଲେ । ତାଙ୍କ ଲେଖା ଗୁଡ଼ିକ ମହିଳା କେନ୍ଦ୍ରୀକ ଥିଲା । ହାର୍ଟ ଲ୍ୟାମ୍ପ ପୂର୍ବରୁ ବି ତାଙ୍କର ଅନେକ ରଚନା ପାଠକଙ୍କ ଆଦୃତ ହୋଇଛି ।
ଖାଲି ସେତିକି ନୁହେଁ ଏକାଧିକ ଥର କର୍ଣ୍ଣାଟକ ସାହିତ୍ୟ ଏକାଡ଼େମୀ ପୁରସ୍କାର ଜିତିଛନ୍ତି ବାନୁ ମୁସ୍ତାକ । ଲେଖା ବ୍ୟତୀତ ମହିଳାଙ୍କ ଅଧିକାର ପାଇଁ ସେ ସ୍ୱର ଉଠାଇଛନ୍ତି । ଭେଦଭାବ ଉପରେ ପ୍ରଶ୍ନ ଉଠାଇବା ସହ ତାଙ୍କର ଆଇନଗତ ପଦକ୍ଷେପ ତାଙ୍କୁ ପରିଚୟ ଦେଇଛି । ତାଙ୍କ କାହାଣୀ ଦର୍ଶାଏ ଯେ କୌଣସି ଧର୍ମ, ସମାଜ ଏବଂ ରାଜନୀତି ମହିଳାଙ୍କୁ ବିନା ପ୍ରଶ୍ନରେ ଆଜ୍ଞାକାରିତା ଦାବି କରେ । ମହିଳାଙ୍କ ଉପରେ ହେଉଥିବା ଅତ୍ୟାଚାରକୁ ମଧ୍ୟ ତାଙ୍କ ଲେଖା ମାଧ୍ୟମରେ ଦର୍ଶାଇଥାନ୍ତି ।
ବାନୁ ମୁସ୍ତାକ ତାଙ୍କର ପ୍ରଥମ କ୍ଷୁତ୍ର ଗଳ୍ପ ମିଡିଆ ସ୍କୁଲରେ ପଢୁଥିବା ସମୟରେ ଲେଖିଥିଲେ । ସେବେଠୁ ଲେଖିବାର ଯାତ୍ରା ଆରମ୍ଭ ହୋଇଥିଲା । ୨୬ ବର୍ଷ ବୟସରେ ସେ ତାଙ୍କର ପ୍ରଥମ ପ୍ରସିଦ୍ଧ କାହାଣୀ ଲେଖିଥିଲେ । ଏହାପରେ ତାଙ୍କର ଲେଖା ଲୋକଙ୍କ ଧ୍ୟାନ ଆକର୍ଷିତ କରିଥିଲା । ଗୋଟିଏ ପରେ ଗୋଟିଏ ସାହିତ୍ୟିକ ରଚନା କରିଥିଲେ ବାନୁ ମୁସ୍ତାକ । ହାର୍ଟ ଲ୍ୟାମ୍ପ ବ୍ୟତୀତ ବାନୁ ୬ଟି କ୍ଷୁଦ୍ର ଗଳ୍ପ, ଗୋଟିଏ ଇପନ୍ୟାସ, ଗୋଟିଏ ନିବନ୍ଧ ଓ ଗୋଟିଏ କବିତା ସଂଗ୍ରହ ଲେଖିଛନ୍ତି ।
