ନୂଆଦିଲ୍ଲୀ: ପାକିସ୍ତାନକୁ ସମର୍ଥନ କରିବା ତୁର୍କୀକୁ ମହଙ୍ଗା ପଡ଼ିଲା । ଗୋଟିଏ ପରେ ଗୋଟିଏ ଝଟକା ଦେଉଛି ଭାରତ । ଆମର ଶତ୍ରୁ ଦେଶ ପାକିସ୍ତାନକୁ ସମର୍ଥନ କରିଥିଲା ତୁର୍କୀ । ଆଉ ଏବେ ଭାରତର କଡ଼ା କାର୍ଯ୍ୟାନୁଷ୍ଠାନର ସମ୍ମୁଖୀନ ହେଉଛି । ବୟକଟ୍ ତୁର୍କୀ ଅଭିଯାନ ଜୋରସୋରରେ ଜାରି ରହିଥିବା ବେଳେ ଏବେ ବଲିଉଡ୍ ମଧ୍ୟ ବଡ଼ ନିଷ୍ପତ୍ତି ଗ୍ରହଣ କରିଛି । ଅଲ୍ ଇଣ୍ଡିଆନ୍ ସିନେ ୱାର୍କର୍ସ ଆସୋସିଏସନ୍ (AICWA) ତୁର୍କୀରେ ଯେକୌଣସି ଭାରତୀୟ ଫିଲ୍ମ, ଟେଲିଭିଜନ ଶୋ’ର ସୁଟିଂ ଉପରେ ପ୍ରତିବନ୍ଧକ ଲଗାଇ ଦେଇଛି ।
ତୁର୍କୀ ଆମର ଶତ୍ରୁ ଦେଶକୁ ସାହାଯ୍ୟ କରିଆସୁଛି, ତେଣୁ ଏହାକୁ ଉଚିତ ଜବାବ ଦେବା ବହୁତ ଗୁରୁତ୍ୱପୂର୍ଣ୍ଣ । ଏବେ ଭାରତୀୟ ଚଳଚ୍ଚିତ୍ର ଶିଳ୍ପ ମଧ୍ୟ ଆଗକୁ ଆସିଛି । ତୁର୍କୀରେ ଭାରତୀୟ ଫିଲ୍ମ ଏବଂ ଶୋ’ର ସୁଟିଂ ସହିତ, AICWA ତୁର୍କୀ କଳାକାର ଏବଂ ପ୍ରଡକ୍ସନ ହାଉସ୍ ସହିତ କାମ କରିବା ଉପରେ ମଧ୍ୟ ପ୍ରତିବନ୍ଧକ ଘୋଷଣା କରିଛି । ସେହିପରି ତୁର୍କୀରେ କୌଣସି ପ୍ରକାରର ଡିଜିଟାଲ୍ ଶୋ’ର ସୁଟିଂ ମଧ୍ୟ ହେବ ନାହିଁ । ଅଲ ଇଣ୍ଡିଆନ୍ ସିନେ ୱାର୍କର୍ସ ଆସୋସିଏସନ୍ ବିବୃତ୍ତିରେ କହିଛି, ‘ଆମେ ସର୍ବଦା ଦେଶ ସହିତ ଛିଡା ହୋଇଛୁ। ଆତଙ୍କବାଦ ଏବଂ ଅସ୍ଥିରତା ସମୟରେ ପାକିସ୍ତାନ ସହିତ ତୁର୍କୀର ଖୋଲା ସମର୍ଥନକୁ ଅଣଦେଖା କରାଯାଇପାରିବ ନାହିଁ । ଭାରତୀୟ ଚଳଚ୍ଚିତ୍ର ଶିଳ୍ପ ଭାରତର ସାର୍ବଭୌମତ୍ୱ ବିରୋଧରେ ଛିଡ଼ା ହେଉଥିବା କୌଣସି ଦେଶକୁ ସମର୍ଥନ କରିବ ନାହିଁ।’
PRESS RELEASE
— All Indian Cine Workers Association (@AICWAOfficial) May 14, 2025
All Indian Cine Workers Association (AICWA) Announces Complete Boycott of Turkey for Film Shoots and Cultural Collaborations
Mumbai, India – May 14, 2025: The All Indian Cine Workers Association (AICWA), representing the Indian film industry’s workers,… pic.twitter.com/ghL345rd2x
ସୂଚନାଯୋଗ୍ୟ, ତୁର୍କୀରେ ଅନେକ ଭାରତୀୟ ଚଳଚ୍ଚିତ୍ର ସୁଟ୍ ହୋଇଛି । ବହୁ ଭାରତୀୟ ସିନେ ତାରକା ଏହି ଦେଶରେ ସୁଟିଂ କରିସାରିଛନ୍ତି। ସୈଫ ଅଲ୍ଲୀ ଖାନଙ୍କ ରେସ-୨ ଏବଂ ସଲମାନ ଖାନଙ୍କ ଟାଇଗର-୩ ବ୍ୟତୀତ, ବେବି, ଦିଲ ଧଡକନେ ଦୋ, ଗେମ, ଗୁରୁ ସମେତ ଅନେକ ଭାରତୀୟ ଫିଲ୍ମ ତୁର୍କୀରେ ସୁଟିଂ ହୋଇଛି । ହେଲେ ଆଗକୁ ତୁର୍କୀରେ କୌଣସି ଫିଲ୍ମ ସୁଟ୍ ହୋଇପାରିବ ନାହିଁ ବୋଲି AICWA ସ୍ପଷ୍ଟ କରିଛି ।
