ଭୁବନେଶ୍ୱର,୦୫/୦୭: ପୁରୁଣା ସରକାର କ୍ୟାବିନେଟରେ ନେଇଥିବା ନିଷ୍ପତ୍ତି କେତେ କାର୍ଯ୍ୟକାରୀ ହୋଇଛି? ନିଷ୍ପତ୍ତି ଯଦି କାର୍ଯ୍ୟକାରୀ ହୋଇନି କାରଣ କ’ଣ? ଏବେ ସ୍ଥିତାବସ୍ଥା କ’ଣ ଅଛି? ୨୦୧୯-୨୦୨୩ ଯାଏ ପୁରୁଣା ସରକାରଙ୍କ ବଡ଼ କ୍ୟାବିନେଟ୍ ନିଷ୍ପତ୍ତି ନେଇ ଏମିତି ଖୋଳତାଡ଼ ଆରମ୍ଭ ହୋଇଛି । ଏ ସମ୍ପର୍କରେ ସଂସଦୀୟ ବ୍ୟାପାର ବିଭାଗ ବିଭିନ୍ନ ବିଭାଗକୁ ଚିଠି କରିଛି ।
ଚିଠିରେ ଦର୍ଶାଯାଇଛି, ୨୦୧୯ରୁ ୨୦୨୩ ମଧ୍ୟରେ ରାଜ୍ୟ କ୍ୟାବିନେଟ୍ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି । ତେବେ ଏ ନିଷ୍ପତ୍ତି କେତେଦୂର କାର୍ଯ୍ୟକାରୀ ହୋଇଛି । ଯଦି ହୋଇନି, ଧାର୍ଯ୍ୟ ସମୟରେ କାହିଁକି ହୋଇନି । ଏହା ନିର୍ଦ୍ଦିଷ୍ଟ ଫର୍ମାଟରେ ଅବଗତ କରାଇବାକୁ ସଂସଦୀୟ ବ୍ୟାପାର ବିଭାଗ କହିଛି।