ପୁରୀ,୦୮/୦୭: ଜନ୍ମବେଦି ଅଭିମୁଖେ ତିନି ଠାକୁର। ଶରଧାବାଲିରେ ଗଡିଲା ତିନି ରଥ।  ଜଗନ୍ନାଥ  ଧ୍ୱନିରେ ଉଚ୍ଛୁଳି ଉଠୁଛି ବଡ଼ଦାଣ୍ଡ। ଗୁଣ୍ଡିଚାଯାତ୍ରାର ଦ୍ବିତୀୟ ଦିନରେ ପ୍ରଥମେ ମାକେର୍ଟ ଛକରୁ ଗଡ଼ିଲା ତାଳଧ୍ବଜ ରଥ। ପରେ ମରିଚିକୋଟ ଛକରେ ଅଟିକିଥିବା ଦର୍ପଦଳନ ରଥକୁ ଟାଣିଲେ ଲକ୍ଷାଧିକ। ସାରା ରାତି ବଡ଼ଦାଣ୍ଡରେ ଲୀଳା କରିବା ପରେ ଭକ୍ତ ସମୁଦ୍ରରେ ଗଡ଼ିଲା ନନ୍ଦିଘୋଷ । ରଥ ଚାଳନାର ଗୁରୁଗମ୍ଭୀର ଧ୍ୱନି ସାଙ୍ଗକୁ ଅଗଣିତ ଭକ୍ତଙ୍କ ହରିବୋଲ ଓ ହୁଳହୁଳିରେ କମ୍ପୁଲା ଖଣ୍ଡମଣ୍ଡଳ । ଭାଇ ଭଉଣୀଙ୍କୁ ସାଥୀରେ ନେଇ ଜନ୍ମବେଦି ଅଭିମୁଖେ ବାହାରିଲେ ମହାପ୍ରଭୁ ।

ସୂଚନା ମୁତାବିକ, ସକାଳେ ରଥାରୂଢ଼ ଦାରୁଦିଅଁଙ୍କୁ ମଙ୍ଗଳ ଆଳତି ଓ ଅବକାଶ ସରିବା ପରେ ରଥଟଣା ଆରମ୍ଭ ହୋଇଛି। ଲକ୍ଷାଧିକ ଶ୍ରଦ୍ଧାଳୁ ତିନିରଥକୁ ଟାଣି ଟାଣି ନେଉ ଯାଉଛନ୍ତି।