ପୁରୀ,୧୮/୧୨: ମଙ୍ଗଳାଘାଟ ନିକଟରେ ଥିବା ଏକ ଝାଡୁ ଫ୍ୟାକ୍ଟ୍ରିରେ ଲାଗିଲା ନିଆଁ । ଏହି ଅଗ୍ନିକାଣ୍ଡରେ ଫ୍ୟାକ୍ଟ୍ରିରେ ଥିବା ବିପୁଳ ପରିମାଣର ଝାଡ଼ୁ ଜଳି ପୋଡ଼ି ପାଉଁଶ ହୋଇଯାଇଛି । ନିଆଁ ଲିଭାଇବାକୁ ୩ଟି ଅଗ୍ନିଶମ ବିଭାଗର ଗାଡ଼ି ନିୟୋଜିତ ହୋଇଛନ୍ତି । ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ପୁରୀ ଜିଲ୍ଲା ମଙ୍ଗଳାଘାଟ ନିକଟରେ ଥିବା ଝାଡ଼ୁ ଫ୍ୟାକ୍ଟ୍ରିରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମଙ୍ଗଳାଘାଟ ନିକଟରେ ଥିବା ଏକ ଝାଡୁ ଫ୍ୟାକ୍ଟ୍ରି ହଠାତ ନିଆଁ ଲାଗି ଯାଇଥିଲା । କିଛି କ୍ଷଣ ମଧ୍ୟରେ ଏହି ନିଆଁ ଫ୍ୟାକ୍ଟ୍ରି ଭିତରେ ଚାରି ଦିଗକୁ ବ୍ୟାପି ଯାଇଥିଲା । ଫଳରେ ସେଠାରେ ଥିବା ଝାଡ଼ୁ ଗୁଡିକ ଜଳି ଯାଇଥିଲା । ଫ୍ୟାକ୍ଚ୍ରିରୁ ଧୂଆଁ ବାହାରିବାରୁ ସ୍ଥାନୀୟଲୋକେ ନିଆଁ ଲାଗିଥିବା ଜାଣି ପାରି ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀର ତିନୋଟି ଗାଡ଼ି ପହଞ୍ଚିଛି । ସେଠାରେ ପହଞ୍ଚି ନିଆଁକୁ ଆୟତ କରିଛି ଅଗ୍ନିଶମ ବାହିନୀର ଟିମ୍ । ହେଲେ ନିଆଁ ଲାଗିବା କାରଣରୁ ଫ୍ୟାକ୍ଟ୍ରିରେ ଥିବା ସମସ୍ତ ଝାଡ଼ୁ ଜଳି ପୋଡ଼ି ପାଉଁଶ ହୋଇଥିବା ବେଳେ ବ୍ୟାପକ କ୍ଷୟକ୍ଷତି ହୋଇଥିବା ନେଇ ସୂଚନା ମିଳିଛି ।
