ନୂଆଦିଲ୍ଲୀ ୦୧/୦୨: ଅର୍ଥମନ୍ତ୍ରୀ ନିର୍ମଳା ସୀତାରମଣ ବରିଷ୍ଠ ନାଗରିକମାନଙ୍କୁ ବଡ ଉପହାର ଦେଇଛନ୍ତି। ୨୦୨୫-୨୬ ବଜେଟରେ ବରିଷ୍ଠ ନାଗରିକଙ୍କ ପାଇଁ ସୁଧ ଉପରେ ଟିଡିଏସ୍ ସୀମା ବୃଦ୍ଧି କରିବାକୁ ଅର୍ଥମନ୍ତ୍ରୀ ଘୋଷଣା କରିଛନ୍ତି। ବରିଷ୍ଠ ନାଗରିକଙ୍କ ପାଇଁ ଟିଡିଏସ୍ ସୀମା ବର୍ତ୍ତମାନର ୫୦,୦୦୦ ରୁ ୧ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି।
ସେ କହିଛନ୍ତି, ଟିଡିଏସ୍ ସୀମାରେ ପରିବର୍ତ୍ତନ କରାଯିବ ଯାହାଦ୍ୱାରା ସମାନତା ଆଣିପାରିବ। ବରିଷ୍ଠ ନାଗରିକଙ୍କ ପାଇଁ ଟିଡିଏସ୍ ଛାଡ ସୀମା ୫୦ ହଜାରରୁ ୧ ଲକ୍ଷ ଟଙ୍କାକୁ ବୃଦ୍ଧି କରାଯିବ। ଭଡା ଆୟ ଉପରେ ଟିଡିଏସ୍ ରେ ଛାଡ ସୀମା ୬ ଲକ୍ଷ ଟଙ୍କାକୁ ବୃଦ୍ଧି କରାଯିବ। ତଥାପି, ନନ୍-ପାନ୍ ସମ୍ବନ୍ଧୀୟ ମାମଲାରେ ଉଚ୍ଚ ଟିଡିଏସ୍ ର ବ୍ୟବସ୍ଥା ଲାଗୁ ହେବ। ଆହୁରି ମଧ୍ୟ, ଅପଡେଟ୍ ରିଟର୍ନ ଦାଖଲ କରିବାର ସୀମା ଦୁଇ ବର୍ଷରୁ ଚାରି ବର୍ଷକୁ ବୃଦ୍ଧି କରାଯାଇଛି ।
