ନୂଆଦିଲ୍ଲୀ ୦୩/୦୧: ଭାରତୀୟ ସେୟାର ବଜାରରେ ଝଡ଼। ସୋମବାର କାରବାର ଆରମ୍ଭ ହେବା ମାତ୍ରେ ହେଲା କ୍ରାସ୍। ଟ୍ରମ୍ପଙ୍କ ଟାରିଫ୍ ଯୁଦ୍ଧ, ଭାରତର ଟିକସ ଛାଡ଼ ବଜାର ଉପରେ ପକାଇଲା ବଡ଼ ଧରଣ ପ୍ରଭାବ। ବିଏସ୍ସି ସେନସେକ୍ସ ଖୋଲିବା ମାତ୍ରେ ୭୦୦ ପଏଣ୍ଟ ତଳକୁ ଖସିଥିବା ବେଳେ ଏନ୍ଏସ୍ସି ନିଫ୍ଟି ମଧ୍ୟ ୨୦୦ ପଏଣ୍ଟରୁ ଅଧିକ ହ୍ରାସ ପାଇଛି। ସାଧାରଣ ବଜେଟ୍ ପରେ ମାଟି କାମୁଡ଼ିଛି ଷ୍ଟକ ମାକେର୍ଟ। ୫ମିନିଟରେ ଉଡିଗଲା ୫ ଲକ୍ଷ କୋଟି । ଟ୍ରମ୍ପଙ୍କ ଟାରିଫ ଆକ୍ସନ ପ୍ରଭାବରେ ପୁଞ୍ଜି ବଜାରରେ ଝଡ ସୃଷ୍ଟି ହୋଇଛି । ଭାରତ ଉପରେ ବି ବିପଦ ଦେଖା ଦେଇଛି ।
ଦେଶର ସାଧାରଣ ବଜେଟ୍ ଉପସ୍ଥାପନା ଦିନକ ପରେ ସୋମବାର ପୁଣି ତଳମୁହାଁ ହେଲା ସେୟାର ବଜାର । ବଜେଟରେ ହୋଇଥିବା ସମସ୍ତ ବଡ଼ ଘୋଷଣାର ପ୍ରଭାବରେ ଷ୍ଟକ ମାକେର୍ଟ ଝଡ଼ ସୃଷ୍ଟି କରିଛି। ଫଳରେ ବିଏସ୍ସି ସେନସେକ୍ସ ୭୦୦ ପଏଣ୍ଟ ତଳକୁ ଖସିଥିବା ବେଳେ ନିଫ୍ଟି ମଧ୍ୟ ୨୦୦ ପଏଣ୍ଟରୁ ଅଧିକ ହ୍ରାସ ପାଇଛି।
ସାଧାରଣ ବଜେଟରେ ମୋଦି ସରକାରଙ୍କ ଦ୍ୱାରା ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟକୁ ଟିକସମୁକ୍ତ କରିବା ସମେତ ଅନ୍ୟାନ୍ୟ ବଡ଼ ଘୋଷଣାର ପ୍ରଭାବ ବଜାର ଉପରେ ଦେଖାଯାଇ ନାହିଁ। ଅନ୍ୟପକ୍ଷରେ,ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ନିଜ ନିର୍ବାଚନୀ ପ୍ରତିଶ୍ରୁତି ପୂରଣ ପାଇଁ ଗୋଟିଏ ପରେ ଗୋଟିଏ ମାଷ୍ଟରଷ୍ଟ୍ରୋକ୍ ଖେଳିଥିଲେ । ପ୍ରଥମେ ଅବୈଧ ପ୍ରବାସୀଙ୍କୁ କରିଥିଲେ ଟାର୍ଗେଟ୍ । ଏବେ ଶୁଳ୍କ ଯୁଦ୍ଧ (ଟାରିଫ୍ ୱାର)କୁ ଦେଇଛନ୍ତି ଇନ୍ଧନ । କାନାଡ଼ା, ମେକ୍ସିକୋ ଓ ଚୀନ୍କୁ ଟ୍ରମ୍ପ୍ଙ୍କ ପ୍ରଥମ ଚୋଟ ଖାଇବାକୁ ପଡ଼ିଛି । ଭାରତ ବର୍ତ୍ତିଯାଇଥିଲେ ବି ଟ୍ରମ୍ପଙ୍କ ଟାରିଫ୍ ଯୁଦ୍ଧର ପ୍ରଭାବ ବିଶ୍ୱ ବଜାର ପରି ଭାରତୀୟ ସେୟାର ବଜାର ଉପରେ ମଧ୍ୟ ଦେଖାଯାଉଛି।
