ନୂଆପଡା,୧।୩ : ଜାତୀୟ ରାଜପଟ ୩୫୩ ନୂଆପଡା ବିଜେପି ଅଫିସ ପାଖରେ ହୁତୁହୁତୁ ହୋଇ ଜଳି ଗଲା ଟାଟା ଏସି ଗାଡି । ନୂଆପଡା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଡ୍ରାଇଭର ଜଣକ ଅଳ୍ପକେ ବର୍ତ୍ତି ଯାଇଛନ୍ତି।
ଏକ ଟାଟା ଏସି ଗାଡି ରାସ୍ତାରେ ଯାଉଥିବା ବେଳେ ହଠାତ ନୂଆପଡା ବିଜେପି ପାର୍ଟି ଅଫିସ ପାଖରେ ନିଆଁ ଲାଗିଯାଇଥିଲା। ଡ୍ରାଇଭର ଏହା ଦେଖି ତୁରନ୍ତ ଗାଡିରୁ ଓହ୍ବାଇ ପଡିଥିଲେ। ପାଖରେ ଥିବା ପେଟ୍ରୋଲ ପମ୍ପ କର୍ମଚାରୀ ପାଣି ପକାଇ ନିଆଁ ଲିଭାଇବାକୁ ଚେଷ୍ଟା କରିଥିଳେ।କିନ୍ତୁ ନିଆଁକୁ ଆୟତ୍ତ କରି ପାରି ନ ଥିଲେ। ଖବର ପାଇଁ ନୂଆପଡା ଅଗ୍ନିଶବ ବାହିନୀ ପହଞ୍ଚି ନିଆଁ କୁ ଆୟତ୍ତ କରିଥିଲେ। ତେବେ କିଛି ସମୟ ପାଇଁ ରାସ୍ତା ଜାମ ହୋଇଥିଲା। ନୂଆପଡା ଥାନା ପୋଲିସ ଘଟଣା ସ୍ଥଳରେ ପହଂଚି ସ୍ଥିତି କୁ ନିୟନ୍ତ୍ରଣ କରିଥିଲା। ବର୍ତ୍ତମାନ ଯାତାୟତ ସ୍ୱାଭାବିକ ହୋଇଛି।
