ନୂଆଦିଲ୍ଲୀ: ଛୁଟି କାଟିବାକୁ ନିଜ ପରିବାର ସହ ଥାଇଲାଣ୍ଡ ଯାଇଥିବା ଲକ୍ଷ୍ନୋର ଜଣେ ମହିଳାଙ୍କର ସେଠାରେ ରହସ୍ୟ ଜନକ ଭାବେ ମୃତ୍ୟୁ ଘଟିଛି। ମୃତ୍ୟୁ ହୋଇଥିବା ମହିଳାଙ୍କ ନାମ ପ୍ରିୟଙ୍କା ଶର୍ମା ହୋଇଥିବା ବେଳେ ସେ ନୂଆବର୍ଷ ପାଇଁ ନିଜ ସ୍ୱାମୀ, ପୁଅଙ୍କ ସହ ଛୁଟିକାଟିବାକୁ ବିଦେଶ ଯାଇଥିବା ବେଳେ ଏପରି ଘଟଣା ଘଟିଛି।
ପ୍ରିୟଙ୍କାଙ୍କ ବାପା ଏହି ଘଟଣାରେ ଜ୍ୱାଇଁ ଆଶିଷ ଶ୍ରୀବାସ୍ତବଙ୍କ ହାତ ଥିବା ନେଇ ଅଭିଯୋଗ କରିଛନ୍ତି। ମୋ ଝିଅକୁ ମୋ ଜ୍ୱାଇଁ ମାରିଛନ୍ତି ଏହାର ତଦନ୍ତ ହେବା ଦରକାର ବୋଲି ସେ କହିଛନ୍ତି। ତେବେ ଆଶିଷ ଉତ୍ତର ପ୍ରଦେଶର ଓରାଇ ମେଡିକାଲ କଲେଜରେ ଜଣେ ଡାକ୍ତର ଭାବେ କାର୍ଯ୍ୟରତ ଅଛନ୍ତି।
ଆଶିଷଙ୍କର ବହୁ ପୂର୍ବରୁ ଅନ୍ୟ ମହିଳା ମାନଙ୍କ ସହ ସମ୍ପର୍କ ରହିଛି। ୨୦୧୭ ମସିହାରେ ଉଭୟଙ୍କ ବିବାହ ପରଠୁ ଆଶିଷ ପ୍ରିୟଙ୍କାଙ୍କ ଉପରେ ପ୍ରତିଦିନ ଅତ୍ୟାଚାର କରୁଥିଲେ। ଏନେଇ ପୂର୍ବରୁ ଥରେ ପ୍ରିୟଙ୍କା ଥାନାରେ ଏତାଲା ମଧ୍ୟ ଦେଇଥିଲେ ବୋଲି ପ୍ରିୟଙ୍କାଙ୍କ ବାପା ସତ୍ୟନାରାୟଣ କହିଛନ୍ତି।
ଏହି ଘଟଣାରେ ପୋଲିସ ନିଜଆଡୁ ଏକ ମାମଲା ରୁଜୁ କରିବା ସହ ଘଟମାର ତଦନ୍ତ ଜାରି ରଖିଛି ବୋଲି ସୂଚନା ମିଳିଛି।
