ମୁମ୍ବାଇ, ୧୫/୧ : ଉତ୍ତରପ୍ରଦେଶର ପ୍ରୟାଗରାଜରେ ମହାକୁମ୍ଭ ୨୦୨୫ମେଳାର ଶୁଭାରମ୍ଭ ହୋଇଯାଇଛି । ଦେଶ-ବିଦେଶରୁ ଲକ୍ଷାଧିକ ଲୋକ ପବିତ୍ର ସଂଗମରେ ଆସ୍ଥା ବୁଡ଼ ଲଗାଇବାକୁ ପ୍ରୟାଗରାଜରେ ପହଞ୍ଚିଛନ୍ତି । ଖୁବଶୀଘ୍ର ବଲିଉଡ଼ର ବି କେତେକ ଷ୍ଟାର୍ ମହାକୁମ୍ଭ ମେଳାର ଭାଗିଦାରୀ ହେବେ । ରଣବୀର କୁପର, ଆଲିୟା ଭଟ୍ଟଙ୍କଠାରୁ ନେଇ ବଲିଉଡ଼ର ସେହେନଶାହ ଅମିତାଭ ବଚ୍ଚନ ମହାକୁମ୍ଭର ଭାଗିଦାରୀ ହେବେ । ଏହା ମଧ୍ୟରେ ଅମିତାଭ ବଚ୍ଚନ ଏକ ମହାକୁମ୍ଭ ସହ ଜଡ଼ିତ ଟୁଇଟ୍ କରିଛନ୍ତି । ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି । ଏହି ଟୁଇଟ୍ ବିଗ୍ ବି ଫ୍ୟାନ୍ସଙ୍କୁ ଟିକେ କନଫ୍ୟୁଜ୍ ବି କରିଦେଇଛି ।
ଅମିତାଭ ବଚ୍ଚନ ଏକ ଟୁଇଟ (ଏକ୍ସ) କରିଛନ୍ତି, ଯାହାକୁ ଦେଖିବା ପରେ ତାଙ୍କ ଫ୍ୟାନ୍ସ ଏହି କଥାକୁ ନେଇ କନଫ୍ୟୁଜ୍ ଅଟନ୍ତି କି ଅମିତାଭ ବଚ୍ଚନ ବି ସଂଗମରେ ସ୍ନାନ କରିବା ଲାଗି ପ୍ରୟାଗରାଜ ପହଞ୍ଚି ଯାଇଛନ୍ତି ? ଅମିତାଭ ବଚ୍ଚନ ଯେଉଁ ଟୁଇଟ କରିଛନ୍ତି ସେଥିରେ ସେ ଲେଖିଛନ୍ତି କି, ‘ମହାକୁମ୍ଭ ସ୍ନାନ ଭବଃ‘ । ବିଗ୍ ବିଙ୍କ ଏହି ଟ୍ବିଟ ଏବେ ଭାଇରାଲ ହେବାରେ ଲାଗିଛି ଏବଂ ଏହାକୁ ଦେଖିବା ପରେ ଫ୍ୟାନ୍ସ କନଫ୍ୟୁଜ ଅଛନ୍ତି କି କ’ଣ ସେହନଶାହ ବି ସଂଗମରେ ସ୍ନାନ କରିଛନ୍ତି ।
T 5256 - महाकुंभ स्नान भव :
— Amitabh Bachchan (@SrBachchan) January 15, 2025
ଏକ୍ସ ୟୁଜର ଅମିତାଭ ବଚ୍ଚନଙ୍କ ଏହି ଟୁଇଟ ଉପରେ ବହୁ ରିଆକ୍ଟ କରୁଛନ୍ତି । କେହି କେହି ତାଙ୍କୁ ଥଣ୍ଡାରୁ ବର୍ତ୍ତିବା ଲାଗି ପରାମର୍ଶ ଦେଇଥିବାବେଳେ କେହି କେହି ଖୁସି ଜାହିର ବି କରିଛନ୍ତି । ସେହିଭଳି କିଛି ପ୍ରୟାଗରାଜରେ ଭାରି ଭିଡ଼କୁ ଦର୍ଶାଇ ତାଙ୍କୁ ଘରେ ରହିବାକୁ ପରାମର୍ଶ ଦେଇଛନ୍ତି । ଜଣେ ୟୁଜର ପୋଷ୍ଟରେ କମେଣ୍ଟ କରି ପଚାରିଛନ୍ତି , ‘ଆପଣ ଯାଇଛନ୍ତି କି ନାହିଁ ? ଆଉ ଜଣେ ଲେଖିଛନ୍ତି କି , ଆସ୍ଥାର ମହାକୁମ୍ଭରେ ପାଓ୍ବନ ଅମୃତ ସ୍ନାନରେ ଆପଣଙ୍କୁ ବହୁତ ବହୁତ ଶୁଭକାମନା ବଚ୍ଚନ ଜୀ’।
