ପୁରୀ,୧୪/୦୧: ପ୍ରେମିକ ସହ ଆସିଥିଲା ପୁରୀ । ସମୁଦ୍ର କୂଳ ଥାନା ଅଞ୍ଚଳରେ ଥିବା ଏକ ହୋଟେଲ୍ରେ ଉଭୟ ଥିବା ବେଳେ ପ୍ରେମିକ କରିଥିଲା କିସ୍ । ଏହା ପରେ ପ୍ରେମିକା ଭୟଭୀତ ଅବସ୍ଥାରେ ବାହାରକୁ ଚାଲିଆସିଥିବା ବେଳେ ତା’ ବ୍ୟାଗ୍ରୁ ୫ ହଜାର ଟଙ୍କା ଲୁଟି ନେଇଥିଲା ପ୍ରେମିକ । ପ୍ରେମିକା ଏନେଇ ସମୁଦ୍ର କୂଳ ଥାନାରେ ଏତଲା ଦେବା ପରେ ପୁଲିସ ମାମଲା ରୁଜୁ କରିଛି । ମାସକ ତଳେ ଏଭଳି ଏକ ଘଟଣା ଘଟିଛି ।
ବଲାଙ୍ଗୀରର ଯୁବତୀ ଜଣକ ଗତ ଡିସେମ୍ବର ୧୧ ତାରିଖରେ ତାଙ୍କ ପୁରୁଷ ବନ୍ଧୁ ସହ ପୁରୀ ଆସିଥିଲେ । ଉଭୟ ଭୁବନେଶ୍ୱରରେ ପହଞ୍ଚିବା ପରେ ମିଛ କହି ତାଙ୍କୁ ପୁରୀ ନେଇ ଆସିଥିଲା ବୋଲି ପୁରୁଷ ବନ୍ଧୁ । ହୋଟେଲ୍ ରୁମ୍ରେ ପୁରୁଷ ବନ୍ଧୁ ତାଙ୍କୁ କିସ୍ କରିବା ପରେ ଯୁବତୀ ହଡ଼ବଡେଇ ଯାଇଥିଲେ । କିଛି ସମୟ ପରେ ନିଜ ବ୍ୟାଗ୍ ଧରି ବାହାରକୁ ଦୌଡ଼ି ଆସିଥିଲେ । ଏହାପରେ ବ୍ୟାଗ୍ରେ ୫ ହଜାର ଟଙ୍କା ନଥିବା ଦେଖିଥିଲେ । ଦୀର୍ଘ ମାସକ ଏତଲା ଦେଇଛନ୍ତି ଯୁବତୀ । ମାମଲାର ତଦନ୍ତ ଚାଲିଥିବା ପୁଲିସ କହିଛି ।
