ନୂଆଦିଲ୍ଲୀ, ୨୦।୯: ହ୍ୟାକ୍ ହେଲା ସୁପ୍ରିମକୋର୍ଟ ଅଫ୍ ଇଣ୍ଡିଆର ୟୁଟ୍ୟୁବ୍ ଚ୍ୟାନେଲ୍ ! ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲ ବଦଳରେ ଆମେରିକାର ରିପଲ୍ କମ୍ପାନୀର ଚ୍ୟାନେଲ ବୋଲି ଦେଖାଉଛି । ସୁପ୍ରିମକୋର୍ଟ କୋର୍ଟ ପ୍ରକ୍ରିୟା ପରିବର୍ତ୍ତେ ୟୁଟ୍ୟୁବ୍ ଚ୍ୟାନେଲରେ ଦେଖାଉଛି କ୍ରିପ୍ଟୋ କରେନ୍ସିର ବିଜ୍ଞାପନ । ଡିଲିଟ୍ ହେଲା ସବୁ ପୁରୁଣା ଭିଡିଓ । କମ୍ପାନୀ ନା ହ୍ୟାକର୍ସ କିଏ ଡିଲିଟ୍ କଲା ଭିଡିଓ ?
ହ୍ୟାକ୍ ହୋଇଛି ସୁପ୍ରିମକୋର୍ଟ ଅଫ୍ ଇଣ୍ଡିଆର ୟୁଟ୍ୟୁବ୍ ଚ୍ୟାନେଲ୍ । ବର୍ତ୍ତମାନ ଆମେରିକାର ଏକ କମ୍ପାନୀ ‘ରିପଲ୍’ର ଭିଡିଓ ଦେଖାଉଛି ବୋଲି ରିପୋର୍ଟରେ ଦର୍ଶାଯାଇଛି । ସୁପ୍ରିମକୋର୍ଟର ୟୁଟ୍ୟବ୍ ଚ୍ୟାନେଲ ହ୍ୟାକ୍ ହୋଇଥିବା ଖବର ଭାଇରାଲ ହେଉଛି । ଖବର ଅନୁଯାୟୀ, ସୁପ୍ରିମକୋର୍ଟର ଭାରତର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲକୁ ଏକ ପ୍ରମୁଖ ସମ୍ଭାବ୍ୟ ସୁରକ୍ଷା ଉଲ୍ଲଂଘନରେ ହ୍ୟାକ୍ କରାଯାଇଛି । ଏହା ବର୍ତ୍ତମାନ କୋର୍ଟ ପ୍ରକ୍ରିୟା ପରିବର୍ତ୍ତେ କ୍ରିପ୍ଟୋକରେନ୍ସି ସହ ଜଡ଼ିତ ଅନଧିକୃତ ବିଷୟବସ୍ତୁ ପ୍ରଦର୍ଶନ କରୁଛି ବୋଲି ରିପୋର୍ଟରେ ଦର୍ଶାଯାଇଛି । ଆମେରିକାର ଏକ କମ୍ପାନୀ ରିପଲ୍ର ଭିଡିଓଗୁଡ଼ିକ ବର୍ତ୍ତମାନ ଟେଲି ପ୍ରସାରଣ କରାଯାଉଛି । ଏହି ପ୍ରସଙ୍ଗରେ ଅଧିକ ବିସ୍ତୃତ ରିପୋର୍ଟ ଅପେକ୍ଷା କରାଯାଇଛି । ତେବେ ଏହି ଚ୍ୟାନେଲରେ ପୂର୍ବରୁ ଥିବା ସୁପ୍ରିମକୋର୍ଟର ମାମଲାଗୁଡ଼ିକ ଡିଲିଟ୍ ହୋଇଯାଇଛି । ଏ ଭିଡ଼ିଓଗୁଡ଼ିକୁ କମ୍ପାନୀ ନା ହ୍ୟାକର୍ସ କିଏ ଡିଲିଟ୍ କରିଛି ଏନେଇ ଏହି ଘଟଣାର ତଦନ୍ତ ଆରମ୍ଭ ହୋଇଛି ।
