ନୂଆଦିଲ୍ଲୀ : କୋଲକାତାର ଆରଜି କର ମେଡିକାଲ କଲେଜ ଆଣ୍ଡ ହସ୍ପିଟାଲରେ ଦୁଷ୍କର୍ମ ଓ ହତ୍ୟା ମାମଲାର ଯାଞ୍ଚ ଜାରି ରହିଛି। କୋର୍ଟ କଲେଜର ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷ ଓ ତାଲା ପୁଲିସ ଷ୍ଟେସନ ପ୍ରଭାରୀ ଅଭିଜିତ ମଣ୍ଡଳଙ୍କୁ ୨୫ ସେପ୍ଟେମ୍ୱର ଯାଏ ସିବିଆଇ ହେପାଜତରେ ପଠାଇ ଦେଇଛନ୍ତି। ଏହାସହ , ଯାଞ୍ଚ ଏଜେନ୍ସି ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷଙ୍କ ନାର୍କୋ ଆନାଲିସିସ ଟେଷ୍ଟ କରିବାକୁ କୋର୍ଟରୁ ଅନୁମତି ମାଗିଛି। ଏହା ବ୍ୟତୀତ , ସିବିଆଇର ସ୍ପେଶାଲ କ୍ରାଇମ୍‌ ବ୍ରାଞ୍ଚ ଏସଏଚଓ  ଅଭିଜିତ ମଣ୍ଡଳଙ୍କର ପଲିଗ୍ରାଫ ଟେଷ୍ଟ କରାଇବାକୁ ଚାହୁଁଛି। ଏହାର ଅନୁମତି ନେବାକୁ ସିୟାଲଦହ କୋର୍ଟରେ ଆବେଦନ ଦାଖଲ କରାଯାଇଛି। ଏବେ ଏହା ଦେଖିବାର କଥା କି, କୋର୍ଟଙ୍କ ଠାରୁ ତାଙ୍କର ଅନୁମୋଦନ ମିଳୁଛି କି ନାହିଁ।

ଏହା ପୂର୍ବରୁ କୋର୍ଟ ସିବିଆଇର ଏହି ଆବେଦନକୁ ଖାରଜ କରି ଦେଇ ଥିଲେ, ଯେଉଁଥିରେ ଏହି ମାମଲାର ମୁଖ୍ୟ ଅଭିଯୁକ୍ତ ସଞ୍ଜୟ ରାୟର ନାର୍କୋ ଟେଷ୍ଟର ଅନୁମତି ମଗାଯାଇ ଥିଲା। ଜଣେ ଅଧିକାରୀ କହିଛନ୍ତି କି, ଗିରଫ ଅଭିଯୁକ୍ତ ସଞ୍ଜୟ ନାର୍କୋ ଟେଷ୍ଟ କରାଇବାକୁ ମନା କରିଦେଇ ଥିଲା। ସିବିଆଇ ସହ ଜଡ଼ିତ ସୂତ୍ର କହିଛି କି, ରାୟ ଆରମ୍ଭରେ ନାର୍କୋ ପରୀକ୍ଷଣ କରାଇବା ନେଇ ସହମତି ପ୍ରକାଶ କରିଥିଲା , କିନ୍ତୁ ପରେ ସେ ନିଜ କଥାରୁ ଓହରି ଯାଇଥିଲା।

କେନ୍ଦ୍ରୀୟ ଯାଞ୍ଚ ଏଜେନ୍ସି ସିୟାଲଦହ କୋର୍ଟଙ୍କୁ ଅପିଲ କରିଥିଲା ଯେ, ସେ ତାକୁ ରାୟର ନାର୍କୋ ଚେଷ୍ଟ କରାଇବାକୁ ଅନୁମତି ଦିଅନ୍ତୁ। ଅଧିକାରୀ କହିଛନ୍ତି କି, ଯେବେ ବିଚାରପତି ଅଭିଯୁକ୍ତକୁ ଏହି ବିଷୟରେ ପଚାରିଲେ , ସେ ନାର୍କୋ ପରୀକ୍ଷଣ କରାଇବା ପାଇଁ ରାଜି ହୋଇନ ଥିଲା।