ନୂଆଦିଲ୍ଲୀ : ଚଳିତ ବର୍ଷର ଶେଷ ସୁଦ୍ଧା ଗଗନଯାନ ମିଶନର ଲଞ୍ଚ ପାଇଁ ପ୍ରସ୍ତୁତି ସରି ଯାଇଛି। ହେଲେ ଇସ୍ରୋର ଅଧ୍ୟକ୍ଷ ଏସ୍ ସୋମନାଥ ଶୁକ୍ରବାର କହିଛନ୍ତି ଯେ, ଗଗନଯାନକୁ ନେଇ ଆମକୁ ସାବଧାନତାର ସହ ପଦକ୍ଷେପ ନେବାକୁ ହେବ। ସେ ଏହି କଥା ଉପରେ ଜୋର ଦେଇଛନ୍ତି ଯେ ,ଭାରତୀୟ ମହାକାଶ ଅନୁସନ୍ଧାନ ସଙ୍ଗଠନ (ଇସ୍ରୋ) କୌଣସି ବି ବିପଦରୁ ବର୍ତ୍ତିବା ପାଇଁ ପୂରା ସାବଧାନତା ଆପଣାଇଛି। ସେ ନାସାର ଏକ ମିଶନର କଥା କହିଛି, ଯାହା ଅନୁସାରେ ସୁନୀତା ୱିଲିୟମ୍ସ ଓ ବୁଚ୍ ୱିଲମୋର ଭଳି ପ୍ରସିଦ୍ଧ ମହାକାଶ ଯାତ୍ରୀ ଏବେ ବି ମହାକାଶରେ ହିଁ ଫସିଛନ୍ତି।
ଗଗନଯାନ ଭାରତର ପ୍ରଥମ ମାନବ ମିଶନ , ଯାହାକୁ ନିକଟରେ କେନ୍ଦ୍ରୀୟ କ୍ୟାବିନେଟ୍ ଦ୍ୱାରା ଅନୁମୋଦନ ଦିଆଯାଇଛି। ଏସ୍ ସୋମନାଥ ବୋଇଂ ଷ୍ଟାରଲାଇନରର ଉଦାହରଣ ଦେଇ କହିଛନ୍ତି , ଆମେ ଚାହୁଁ ନାହୁଁ କି , ଆମ ସହ ମଧ୍ୟ ସେମିତି ଘଟୁ , ଯେମିତି ବୋଇଂ ଷ୍ଟାରନାଇନର ସହ ହୋଇଛି। ଏଥିପାଇଁ ଆମେ ବହୁତ ସାବଧାନତା ଅବଲମ୍ୱନ କରିବା ଜରୁରୀ।
କହି ରଖୁଛୁ କି, ନାସାର ବୋଇଂ ଷ୍ଟାରନାଇନର ଦୀର୍ଘ ଦିନର ପ୍ରତୀକ୍ଷା ପରେ ଚଳିତ ବର୍ଷ ଜୁନ୍ରେ ଦୁଇ ଜଣ ଆଷ୍ଟ୍ରୋନାଟଙ୍କ ସହ ମହାକାଶ ପାଇଁ ଉଡ଼ାଣ ଭରି ଥିଲା। ହେଲେ ଯାନର ଥ୍ରଷ୍ଟରରେ ସମସ୍ୟା ଆସିବା ଓ ହିଲିୟମ୍ ଲିକ୍ ହେବା କାରଣରୁ ତାହା ମହାକାଶ ଯାତ୍ରୀଙ୍କୁ ପୃଥିବୀକୁ ଆଣିବାରେ ଅସଫଳ ରହିଥିଲା। ଏହି କାରଣରୁ ଦୁଇ ମହାକାଶ ଯାତ୍ରୀ ସୁନୀତା ୱିଲିୟମ୍ସ ଓ ବୁଚ୍ ୱିଲମୋର ଏବେ ବି ମହାକାଶରେ ଅଛନ୍ତି ଏବଂ ତାଙ୍କୁ ଆସନ୍ତା ବର୍ଷ ସୁଦ୍ଧା ସେଠାରେ ରହିବାକୁ ହେବ। କାରଣ ଆମେରିକୀୟ ମହାକାଶ ଏଜେନ୍ସି ନାସା ତାଙ୍କର ଫେରିବାକୁ ନେଇ ବହୁତ ବିପଦପୂର୍ଣ୍ଣ କହିଛି ।ଭାରତ ନାସାର ଏହି ମିଶନରୁ ଅନେକ କିଛି ଶିଖିବାକୁ ପାଇଛି।