ଦିନକୁ ଦିନ ବଢୁଛି ଗରମ । ପରିସ୍ଥିତି ଆଗକୁ ଆହୁରି ଖରାପ ହେବାର ସମ୍ଭାବନା ରହିଛି । ଖରାଦିନେ ନିଜକୁ ଫିଟ୍ ରଖିବା କୌଣସି ଚ୍ୟାଲେଞ୍ଜଠାରୁ କମ୍ ନୁହେଁ । ତାପମାତ୍ରାରେ ନିରନ୍ତର ବୃଦ୍ଧି ଯୋଗୁଁ ଶରୀରରେ ଜଳର ଅଭାବ ଅର୍ଥାତ୍ ଡିହାଇଡ୍ରେସନ୍ ହେବା ସାଧାରଣ କଥା। ଶରୀରରେ ଜଳୀୟଅଂଶ ଅଭାବରୁ ଥକ୍କାପଣ, ମୁଣ୍ଡ ବୁଲାଇବା, ମଳିନ ଚର୍ମ ଏବଂ କେତେକ ସମୟରେ ଅଂଶୁଘାତ ଭଳି ଗମ୍ଭୀର ସମସ୍ୟା ଦେଖା ଦେଇପାରେ ।
ଏପରି ପରିସ୍ଥିତିରେ, କେବଳ ପାଣି ପିଇବା ଯଥେଷ୍ଟ ନୁହେଁ । କିଛି ଫଳ ଯାହା ପାଣିରେ ଭରପୂର ରହିଥାଏ, ସେଗୁଡ଼ିକୁ ଖାଦ୍ୟରେ ସାମିଲ କରିବା ଉଚିତ୍ । ଆସନ୍ତୁ ଜାଣିବା ଏପରି ୫ଟି ଫଳ ବିଷୟରେ ଯାହା କେବଳ ଶରୀରରେ ଜଳୀୟଅଂଶକୁ ଦୂର କରେ ନାହିଁ ବରଂ ଶରୀରକୁ ଶକ୍ତି ମଧ୍ୟ ଯୋଗାଇଥାଏ ।
ତରଭୁଜ-
ଗ୍ରୀଷ୍ମ ଋତୁର ରାଜା ତରଭୁଜ ହେଉଛି ପାଣିର ସର୍ବୋତ୍ତମ ଉତ୍ସ । ଏଥିରେ ୯୦% ରୁ ଅଧିକ ଜଳ ରହିଥାଏ । ତରଭୁଜ ଖାଇବା ଦ୍ୱାରା ଶରୀର ଥଣ୍ଡା ରହିଥାଏ ଏବଂ ଡିହାଇଡ୍ରେସନ୍ ହୋଇ ନଥାଏ । ଏହା ସହିତ ଏଥିରେ ଆଣ୍ଟିଅକ୍ସିଡାଣ୍ଟ ଏବଂ ଭିଟାମିନ୍ ସି ମଧ୍ୟ ପ୍ରଚୁର ପରିମାଣରେ ରହିଥାଏ । ଯାହା ଶରୀରର ପାଇଁ ବେଶ୍ ଉପକାରୀ ।
ଖରଭୁଜ-
ଗ୍ରୀଷ୍ମ ଋତୁରେ ଖରଭୁଜ ଫଳକୁ ମଧ୍ୟ ବହୁତ ପସନ୍ଦ କରାଯାଏ । ଏହାର ମିଠା ସ୍ୱାଦ ଏବଂ ଶୀତଳତା ଶରୀରକୁ ଆରାମ ଦିଏ । ଏହା କେବଳ ଜଳୀୟ ଅଂଶ ପ୍ରଦାନ କରେ ନାହିଁ ବରଂ ପାଚନ କ୍ରିୟାକୁ ସୁସ୍ଥ ମଧ୍ୟ ରଖେ । ଖରଭୁଜରେ ଜଳସ୍ତର ପ୍ରାୟ ୯୦% ରହିଥିବାରୁ ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ।
କମଳା-
ଗ୍ରୀଷ୍ମ ଋତୁରେ କମଳା ଖାଇବା ମଧ୍ୟ ଲାଭଦାୟକ । ଏଥିରେ ଭିଟାମିନ୍ ସି ଏବଂ ପାଣି ଉଭୟ ଭରପୂର ରହିଥାଏ । ଏହା ରୋଗ ପ୍ରତିରୋଧକ ଶକ୍ତିକୁ ବଢ଼ାଇବା ସହିତ, ଶରୀରରେ ଜଳ ଅଭାବକୁ ମଧ୍ୟ ଦୂର କରିଥାଏ । ଏହାର ରସ ଗ୍ରୀଷ୍ମ ଋତୁରେ ଏକ ନାଚୁୁରାଲ୍ ହେଲ୍ଥ ଡ୍ରିଙ୍କ ଭାବରେ କାମ କରିଥାଏ ।
ସପୁରୀ-
ସପୁରୀରେ ପ୍ରାୟ ୮୫% ପାଣି ରହିଥାଏ । ଏହାର ସ୍ୱାଦ ମିଠା ଏବଂ ଖଟା, ଯାହା କେବଳ ଶରୀରକୁ ସତେଜ କରେ ନାହିଁ ବରଂ ପ୍ରଚୁର ପରିମାଣର ଜଳ ମଧ୍ୟ ଯୋଗାଇଥାଏ । କେବଳ ସେତିକି ନୁହେଁ, ପାଚନ କ୍ରିୟାକୁ ଉନ୍ନତ କରୁଥିବା ଏନଜାଇମ ମଧ୍ୟ ଏଥିରେ ମିଳିଥାଏ ।
ଷ୍ଟ୍ରବେରୀ-
ଷ୍ଟ୍ରବେରୀରେ ୯୧% ପାଣି ରହିଥାଏ । ଏହି ଛୋଟ ବେରୀ ପ୍ରକୃତରେ ପାଣିର ଏକ ଉତ୍ତମ ଉତ୍ସ । ଏହା କେବଳ ଶରୀରକୁ ହାଇଡ୍ରେଟ୍ ରଖେ ନାହିଁ, ବରଂ ଚର୍ମ ଏବଂ କେଶ ପାଇଁ ମଧ୍ୟ ବହୁତ ଲାଭଦାୟକ । ଖରା ଦିନେ ଷ୍ଟ୍ରବେରୀ ଖାଇବା ଦ୍ୱାରା ଶରୀରରେ ଜଳୀୟଅଂଶର ଅଭାବ ହୋଇ ନଥାଏ । ଶରୀର ସତେଜ ଅନୁଭବ କରିଥାଏ । ଯାହା ଫଳରେ କାର୍ଯ୍ୟ କରିବାକୁ ସକ୍ଷମ ହୋଇଥାଏ ।
