ସୋର,୧୧/୪ : ଶିକ୍ଷକଙ୍କ ବଦଳିକୁ ବିରୋଧ କରି ସ୍କୁଲ ଆଗରେ ଧାରଣା ଦେଲେ ଛାତ୍ରଛାତ୍ରୀ ଏବଂ ଅଭିଭାବକ। ସୋର ବ୍ଲକ ନଟାପଡା ପଞ୍ଚାୟତ ପୁରୁଷୋତ୍ତମ ଉଚ୍ଚ ପ୍ରାଥମିକ ବିଦ୍ୟାଳୟ ସମ୍ମୁଖରେ ଛାତ୍ରଛାତ୍ରୀ ଏବଂ ଅଭିଭାବକମାନେ ଧାରଣାରେ ବସିଛନ୍ତି। ଏହା ସହ ସୋର ମାଣିପୁର ରାସ୍ତାକୁ ଅବରୋଧ କରିଛନ୍ତି।
ସୂଚନାନୁଯାୟୀ, ପୁରୁଷୋତ୍ତମ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ମନୋରଞ୍ଜନ ଦାସଙ୍କ ବଦଳି ନିକଟସ୍ଥ ଗଙ୍ଗେଇ ସ୍କୁଲକୁ ହୋଇଛି। ସେ ଜଣେ ଛାତ୍ର ବତ୍ସଳ ଏବଂ ତାଙ୍କ ଶିକ୍ଷାଦାନ ଉଚ୍ଚକୋଟୀର ହୋଇଥିବାରୁ ତାଙ୍କ ବଦଳିକୁ ବିରୋଧ କରି ବିଦ୍ୟାଳୟ ପରିଚାଳନା କମିଟି, ଛାତ୍ରଛାତ୍ରୀ ଏବଂ ଅଭିଭାବକମାନେ ରାସ୍ତା ଅବରୋଧ କରିଛନ୍ତି। ସ୍କୁଲ ଗେଟରେ ତାଲା ପକାଇ ବିଦ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ଫଳରେ ସୋର ମାଣିପୁର ରାସ୍ତାରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ଘଟଣାସ୍ଥଳରେ କୁଡେ଼ଇ କ୍ଲଷ୍ଟରର ସିଆରସିସି ମୋବିଜୁଲ୍ଲାଦା ଖାନ ଘଟଣାସ୍ଥଳରେ ପହଞ୍ଚି ବୁଝାସୁଝା କରୁଥିବା ଦେଖିବାକୁ ମିଳିଛି।
ଏହି ଖବରଟିକୁ ପଢନ୍ତୁ-ଯାତ୍ରୀବାହୀ ବସ୍ ସହ ଟ୍ରକ୍ ମୁହାଁମୁହିଁ ଧକ୍କା, ୩୦ରୁ ଉର୍ଦ୍ଧ୍ଵ ଆହତ
