ଭୁବନେଶ୍ଵର, ୧୪/୦୪ : ଆଜି ହେଉଛି ପବିତ୍ର ମହାବିଷୁବ ସଂକ୍ରାନ୍ତି ତଥା ହନୁମାନଙ୍କ ଜୟନ୍ତୀ। ଏହି ଅବସରରେ ଗଞ୍ଜାମ ଜିଲ୍ଲା ଆସ୍କା ବାଣୀବିହାର ଗୁରୁକୃପା ଆଶ୍ରମ ଠାରେ ନିଆରା ଢଙ୍ଗରେ ହନୁମାନ ଜୟନ୍ତୀ ପାଳନ କରାଯାଇଛି। ୧ କୋଟି ୮ ରୁଦ୍ରାକ୍ଷରେ ମହାବୀରଙ୍କ ଏକ ବିଶାଳ ପ୍ରତିମୂର୍ତ୍ତି ସ୍ଥାପନ କରି ପୂଜାର୍ଚ୍ଚନା କରାଯାଉଛି। ତାସହ ଲକ୍ଷେ ଆଠ ବେଲପତ୍ରରେ ରାମ ନାମ ଲିଖନ କରାଯିବା ସହିତ ହଜାରେ କୋଟି ହସ୍ତ ଲିଖିତ ରାମ ନାମର ପୂଜାର୍ଚ୍ଚନା କରାଯାଇଛି। ହନୁମାନଙ୍କ ପ୍ରତିମୂର୍ତ୍ତିକୁ ପଇଡ ପାଣିରେ ଅଭିଷେକ କରାଯାଇଛି।
କେବଳ ସେତିକି ନୁହେଁ ବାଲୁକାରେ ହନୁମାନଙ୍କ ପ୍ରତିମୂର୍ତ୍ତି ସ୍ଥାପନା କରାଯାଇଛି। ଶ୍ରୀ ଗୁରୁକୃପା ଆଶ୍ରମର ଗୁରୁଦେବ ଶ୍ରୀ ଆତ୍ମାରାମ ଜି ମହାରାଜଙ୍କ ତତ୍ତ୍ଵାବଧାନରେ ଆଜିର ଏହି ହନୁମାନ ଜୟନ୍ତୀ ପାଳନ ହୋଇଥିବା ବେଳେ ଦେଶ, ରାଜ୍ୟ, ତଥା ଦେଶ ବାହାରରୁ ହଜାର ହଜାର ଭକ୍ତଙ୍କ ସମାଙ୍ଗମ ହୋଇଥିବା ଦେଖିବାକୁ ମିଳିଛି। ବହୁ ବର୍ଷ ଧରି ଆଶ୍ରମରେ ହନୁମାନ ଜୟନ୍ତୀ ପାଳନ ହୋଇ ଆସୁଛି। ସ୍ଥାନୀୟ ଅଞ୍ଚଳରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି।
ଏହି ଖବରଟିକୁ ପଢନ୍ତୁ-ହନୁମାନ ଜୟନ୍ତୀ ପାଇଁ ଚଳଚଞ୍ଚଳ ସମ୍ବଲପୁର, ପୋଲିସ ଛାଉଣୀରେ ସହର
