ଗୋପାଳପୁର,୧୫/ ୦୪ : ମହିଳାଙ୍କ ଠାରୁ ସୁନା ମଙ୍ଗଳସୂତ୍ର ଲୁଟ୍ । ପ୍ରାତଃ ଭ୍ରମଣ ସମୟରେ ଦୁଇ ଜଣ ଦୁର୍ବୃତ୍ତ ବାଇକ୍ରେ ଆସି ଝାମ୍ପିନେଲେ ମଙ୍ଗଳସୂତ୍ର । ତେବେ ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ଆୟକର ବିଭାଗ ନିକଟରେ ଏହି ଘଟଣା ଘଟିଛି। ଏହା ମଧ୍ୟ ପଢନ୍ତୁ- ମା' କୋଳକୁ ଫେରିବ ଅପହୃତ ଶିଶୁପୁତ୍ର, ବାଲେଶ୍ଵରରୁ ଉଦ୍ଧାର କଲା ପୋଲିସ, ପିଲା ଚୋର ଗିରଫ
ସୂଚନା ମୁତାବକ, ଆଜି ସକାଳୁ ବି.ପଦ୍ମାବତୀ ନାମକ ଜଣେ ସ୍ଥାନୀୟ ମହିଳା ପ୍ରାତଃ ଭ୍ରମଣରେ ଯାଇଥିଲେ । ପ୍ରାୟ ସାଢେ ୭ ଟା ସମୟରେ ଦୁଇ ଜଣ ଦୁର୍ବୃତ୍ତ ବାଇକ୍ ରେ ଆସି ବନ୍ଧୁକ ଦେଖାଇ ସୁନା ମଙ୍ଗଳସୂତ୍ର ଝାମ୍ପି ନେଉଥିଲେ। ହେଲେ ମଙ୍ଗଳସୁତ୍ରଟି ଛିଡି ଯିବାରୁ ମଙ୍ଗଳସୁତ୍ରର କିଛି ଭାଗ ଦୁର୍ବୃତ୍ତମାନେ ଧରି ଚମ୍ପଟ ମାରିଛନ୍ତି। ଏନେଇ ଖବରପାଇ ଗୋପାଳପୁର ଥାନା ଅଧିକାରୀ ପ୍ରଶାନ୍ତ କୁମାର ମଲିକ ପହଞ୍ଚି ତଦନ୍ତ କରୁଥିବା କହିଛନ୍ତି।
