ସୁନ୍ଦରଗଡ଼, ୧୫/ ୦୪ : ସୁନ୍ଦରଗଡ଼ ମିରିଚି ମୁଣ୍ଡାରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ୍କୁ ଧକ୍କା ଦେଲା ଟ୍ରକ୍ । ଫଳରେ ୩ ବାଇକ୍ ଆରୋହୀ ମୃତ । ମୃତକମାନେ ହେଲେ ବିରତୁଲା ଗ୍ରାମର ଠଣସୁନ୍ଦର ସା , ଦିଲ୍ଲୀପ ନାଏକ ଓ ଚନ୍ଦନ ଲୁହାର ବୋଲି ଜଣାପଡ଼ିଛି।
ଏହା ମଧ୍ୟ ପଢନ୍ତୁ- ଉତ୍ତର-ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ସମ୍ଭାବନା, ୫୦ ରୁ ୬୦ କିମି ବେଗରେ ବହିବ ପବନ
ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ୩ ଜଣ ଯୁବକ ବାଇକ ଯୋଗେ ବଡ଼ଗାଁ ରାମନବମୀ ଯାତ୍ରା ଦେଖି ଫେରୁଥିଲେ । ସେହି ସମୟରେ ଏକ ଟ୍ରକ୍ ଆସି ଧକ୍କା ଦେଇଥିଲା । ଯାହା ଫଳରେ ଘଟଣାସ୍ଥଳରେ ୩ ଜଣ ଯୁବକଙ୍କ ମୃତ୍ୟୁ ହୋଇଛି । ଏନେଇ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିବା ସହ ପରିବାର ଲୋକଙ୍କୁ ଖବର ଦିଆଯାଇଛି। ଅନ୍ୟପଟେ ଏହି ଘଟଣାର ଖବର ପାଇଁ ମୃତକଙ୍କ ପରିବାରରେ ଶୋକର ଛାୟା ଖେଳିଯାଇଛି ।
