ଭଂଜନଗର,୧୩/୪ : ଭଂଜନଗର ଥାନା ତୁରୁମୁ ଗାଁରେ ଶୁକ୍ରବାର ରାତିରେ ଗୋଷ୍ଠୀ ସଂଘର୍ଷ ଘଟିଛି । ଗୋଟିଏ ପରିବାରର ତିନି ଜଣକୁ ମରଣାନ୍ତକ ଆକ୍ରମଣ ହୋଇଛି । ସେହି ଗାଁର ରାଜେସ ସେଠି ଓ ତାଙ୍କ ବାପା ମାଙ୍କୁ ଦଳଗତ ହୋଇ ଆକ୍ରମଣ ହୋଇଛି । ଆକ୍ରମଣ ଖୁବ ଭୟାନକ ଥିଲା । ଆକ୍ରମଣକାରିମାନେ ଏତେ ରାଗି ଯାଇଥିଲେ ଯେ ଆହତ ରାଜେଶକୁ ଆମ୍ବୁଲାନ୍ସରେ ମେଡ଼ିକାଲ ନିଆ ଯାଉଥିବାବେଳେ ପୁଣି ଆମ୍ବୁଲାନ୍ସକୁ ଅଟକାଇ ଆମ୍ବୁଲାନ୍ସରୁ ଟାଣି ଆଣି ଲୁହା ରଡ଼ ଓ ଠେଙ୍ଗାରେ ଆକ୍ରମଣ କରିଛନ୍ତି ।
ଚିତ୍କାର କରୁଥିଲେ ମଧ୍ୟ ଛାଡ଼ିନାହାଁନ୍ତି । ଖବରପାଇ ଭଞ୍ଜନଗର ପୋଲିସ ଅଫାୟାରକୁ ଅପେକ୍ଷାନ କରି ଘଟଣାସ୍ଥଳରେ ପଂହଁଚି ଯିବାରୁ ଆକ୍ରମଣକାରୀମାନେ ଛାଡି ଦୌଡ଼ି ପଳାଇଛନ୍ତି । ରାଜେଶଙ୍କ ପରିବାରର ତିନି ଜଣ ବ୍ରହ୍ମପୁର ମେଡ଼ିକାଲରେ ଚିକିତ୍ସିତ ହେଉଥିବାବେଳେ ତାଙ୍କ ପତ୍ନୀ ସାଗରୀ ସେଠି ଶନିବାର ଭଂଜନଗର ଥାନାରେ ୧୫ ଜଣଙ୍କ ନାମରେ ଏତଲା ଦେଇଛନ୍ତି । ପୂର୍ବ ଶତ୍ରୁତାକୁ ନେଇ ଏଭଳି କାଣ୍ଡ ଘଟିଥିବା ବେଳେ ପପୁ ସେଠି କୁ ଭଂଜନଗର ପୋଲିସ ଭାଇରାଲ ହେଉଥିବା ଭିଡ଼ିଓକୁ ଯାଞ୍ଚ କରି ଗିରଫ କରି, ଘଟଣାର ଅଧିକ ତଦନ୍ତ ଚଳାଇଥିବା ଥାନା ଅଧିକାରୀ ଜୀବନା ନନ୍ଦ ଜେନା ପ୍ରକାଶ କରିଛନ୍ତି ।
