କୋରାପୁଟ,୧୯।୮ : ହଷ୍ଟେଲରେ ଥାଳି ଓ ଲେମ୍ବୁ ନେଇ ୨ ଛାତ୍ରଙ୍କ ମଧ୍ୟରେ ଗଣ୍ଡଗୋଳ। ଜଣେ ଛାତ୍ର ଅନ୍ୟ ଜଣେ ଛାତ୍ରଙ୍କୁ ଛୁରୀ ଭୁସି ଆକ୍ରମଣ କରିଛି । ଏଥିରେ ଛାତ୍ର ଜଣକ ଗୁରୁତର ହୋଇଛି। ଏଭଳି ଏକ ଘଟଣା କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଳକର ଅଧୀନ ଏକ ସେବାଶ୍ରମରେ ଘଟିଛି।
ରବିବାର ରାତିରେ ଜଣେ ଛାତ୍ର ଚାଓମିନ ଖାଇ ହଷ୍ଟେଲକୁ ଆସିଥିଲେ। ପରେ ଖାଇବା ସମୟରେ ଦୁଇଛାତ୍ରଙ୍କ ମଧ୍ୟରେ ଥାଳି ଓ ଲେମ୍ବୁକୁ ନେଇ ଗଣ୍ଡଗୋଳ ହୋଇଥିଲା। ଏହି ସମୟରେ ଲେମ୍ବୁ କାଟିବାକୁ ଆଣିଥିବା ଛୁରୀରେ ଜଣେ ଛାତ୍ର ଅନ୍ୟ ଜଣେ ଛାତ୍ରଙ୍କ ପେଟକୁ ଛୁରୀ ଭୁସି ଦେଇଥିଲା। ଏଥିରେ ଛାତ୍ର ଜଣକ ଗୁରୁତର ହୋଇଥିଲା। ଗୁରୁତର ଛାତ୍ରକୁ ଜଣେ ଶିକ୍ଷକ ଓ ପିଅନ ରାତିରେ ଆଣି କୋରାପୁଟ ବଡ଼ ମେଡିକାଲରେ ଭର୍ତ୍ତି କରିଛନ୍ତି।