ମୁମ୍ବାଇ ୨୫/୦୭: ରାଜକୁମାର ରାଓ ଆଇଟମ୍ ନମ୍ବର ‘ସ୍ତ୍ରୀ-୨’କୁ ନେଇ ଏବେ ଖୁବ୍ ଚର୍ଚ୍ଚା । ଆସନ୍ତା ଅଗଷ୍ଟ ୧୫ ତାରିଖରେ ଫିଲ୍ମଟି ମୁକ୍ତିଲାଭ କରିବ । ଇତିମଧ୍ୟରେ ଫିଲ୍ମର ପ୍ରଥମ ଗୀତ ରିଲିଜ୍ ହୋଇଛି । ଏଥିରେ ଅଭିନେତ୍ରୀ ତମନ୍ନା ଭାଟିଆଙ୍କ ଦମ୍ଦାର ନୃତ୍ୟ ଦେଖିବାକୁ ମିଳିଛି । ଗୀତର ନାଁ ‘ଆଜ୍ କି ରାତ୍’ ।
୨୦୧୮ ମସିହାରେ ମୁକ୍ତିପ୍ରାପ୍ତ ଫିଲ୍ମ ‘ସ୍ତ୍ରୀ’ରେ ନୋରା ଫତେହି ‘କମରିୟା’ ଗୀତରେ ନଜର ଆସିଥିଲେ । ଦର୍ଶକ ଏହାକୁ ଖୁବ୍ ପସନ୍ଦ କରିଥିଲେ । ଗୀତ ଆରମ୍ଭରେ ତମନ୍ନାଙ୍କୁ ଦେଖି ପଙ୍କଜ ତ୍ରିପାଠୀ, ରାଜକୁମାର ରାଓ, ଅପାରଶକ୍ତି ଖୁରାନା ଓ ଅଭିଷେକ ବାନାର୍ଜୀ ଚକିତ ହୋଇ ଚାହିଁ ରହିଥିବା ନଜର ଆସିଛନ୍ତି । ନୃତ୍ୟ ଜରିଆରେ ତମନ୍ନା ସମସ୍ତଙ୍କୁ ମତୁଆଲା କରୁଛନ୍ତି । ତାଙ୍କ ଅନ୍ଦାଜ୍ ସମସ୍ତଙ୍କୁ ହୋଶ୍ ଉଡ଼ାଇଛି। ଗୀତ ରଚନା କରିଛନ୍ତି ଅମିତାଭ ଭଟ୍ଟାଚାର୍ଯ୍ୟ । ଗାଇଛନ୍ତି ମଧୁବନ୍ତୀ ବାଗଚୀ । ନିକଟରେ ଫିଲ୍ମର ଟ୍ରେଲର ରିଲିଜ୍ ହୋଇଥିଲା, ଯାହାକୁ ନେଇ ଚର୍ଚ୍ଚା ଜୋର ଧରିଥିଲା । ଏହି ଫିଲ୍ମ ଜରିଆରେ ଶ୍ରଦ୍ଧା ପୁଣି ଥରେ ଭୂତ ଅବତାରରେ ନଜର ଆସିବେ । ତାଙ୍କ ଅପୋଜିଟ୍ରେ ରାଜକୁମାର ପୁଣି ଥରେ ଭିକ୍କି ଭୂମିକାରେ ନଜର ଆସିବେ । ଭିକ୍କି ଓ ତାଙ୍କ ସାଙ୍ଗମାନେ ସ୍ତ୍ରୀ ସହ ମିଶି ଭୂତକୁ ଘଉଡ଼େଇବାକୁ ଚେଷ୍ଟା କରିବେ ।