ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ପୂର୍ବ ରାଷ୍ଟ୍ରପତି ଜୈକୁବ ଜୁମାଙ୍କ ଝିଅ ଡୁଡୁଜିଲେ ଜୁମା-ସଂବୁଦଲାଙ୍କୁ ଆତଙ୍କବାଦ ଅଭିଯୋଗରେ ଗୁରୁବାର ଗିରଫ କରାଯାଇଛି। ଶୁକ୍ରବାରଦିନ ତାଙ୍କୁ ଏହି ମାମଲା ପାଇଁ କୋର୍ଟରେ ହାଜର କରାଯିବ ବୋଲି ସୂଚନା ରହିଛି। ତେବେ ସେ ଦକ୍ଷିଣ ଆଫ୍ରିକାର ସାଂସଦ ସଦସ୍ୟ ଥିବା ବେଳେ ତାଙ୍କ ଉପରେ ଜୁଲାଇ ୨୦୨୧ ମସିହାରେ ଦଙ୍ଗା ଉସୁକାଇଥିବା ମାମଲାରେ ଦୋଷି ସାବ୍ୟସ୍ତ କରାଯାଇଛି। ଏହି ଦଙ୍ଗାରେ ୩୫୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା।
ଡୁଡୁଜିଲେ ବୁଧବାରଦିନ ପୋଲିସ ସମ୍ମୁଖରେ ଆତ୍ମସମର୍ପଣ କରିଥିଲେ ବୋଲି ପୋଲିସ ସୂଚନା ପ୍ରଦାନ କରିଛି। ତାଙ୍କ ଉପରେ ଆତଙ୍କବାଦ ଏବଂ ଏହା ସହ ସମ୍ପଦ୍ଧିତ ବିଭିନ୍ନ ଅଧିନିୟମ ତଥା ହିଂସା ଉସୁକାଇବା ମାମଲାର ସାମ୍ନା କରୁଛନ୍ତି। ଚାରିବର୍ଷ ପୂର୍ବେ ଦକ୍ଷିଣ ଆଫ୍ରିକାରେ ହୋଇଥିବା ବିଶାଳ ଦଙ୍ଗାରେ ସୋଶିଆଲ ମିଡିଆରେ ଦଙ୍ଗା ଭଡକେଇବା ପାଇଁ ଉଲେଖ୍ୟ ଲେଖିଥିବାରୁ ତାଙ୍କୁ ଦୋଷି ସାବ୍ୟସ୍ତ କାରଯାଇଛି।
ଡୁଡୁଜିଲେଙ୍କୁ ଶୁକ୍ରବାର ଅଦାଲତରେ ହାଜର କରାଯିବ ବୋଲି ତାଙ୍କ ରାଜନୈତିକ ଦଳ ଘୋଷଣା କରିଛି। ତାଙ୍କ ପିତାଙ୍କୁ ଜେଲ ପଠାଯିବା ପରେ ସେ ସାମାଜିକ ଗଣମାଧ୍ୟମ ଏକ୍ସରେ ଭ୍ରାନ୍ତିକର ତଥ୍ୟ ପୋଷ୍ଟ କରିଥିଲେ। ଯେଉଁଥିପାଇଁ ଦେଶରେ ଦଙ୍ଗା ଅତ୍ୟନ୍ତ ଉଗ୍ର ରୁପ ନେଇଥିଲା। ସେ ନିଜ ପୋଷ୍ଟରେ ଦେଶବ୍ୟାପି ଆନ୍ଦୋଳନ ଓ ହିଂସା ଜାରି ରଖିବାକୁ ଲୋକ ମାନଙ୍କୁ ଉସୁକାଇଲା ଭଲି ପୋଷ୍ଟ ଜାରି କରିଥିଲେ।
ଭ୍ରଷ୍ଟାଚାରରେ ସମ୍ପୃକ୍ତି ଥିବା ନେଇ ଦକ୍ଷିଣ ଆଫ୍ରିକାର ପୂର୍ବତନ ରାଷ୍ଟ୍ରପତିଙ୍କୁ ଜେଲ ଦଣ୍ଡାଦେଶ ହୋଇଥିଲା। ଏହା ପରେ ସମଗ୍ର ଦେଶରେ ଦଙ୍ଗା, ଲୁଟପାଟ ଆରମ୍ଭ ହୋଇଯାଇଥିଲା। ଏହି ମାମଲାରେ ପୂର୍ବରୁ ୫ ହଜାରରରୁ ଅଧିକ ଲୋକଙ୍କୁ ଗିରଫ କରାଯାଇ ସାରିଥିବା ବେଳେ ବର୍ତ୍ତମାନ ଡୁଡୁଜିଲେଙ୍କୁ ଗିରଫ କରାଯାଇଛି।
