ନ୍ୟୁୟର୍କ,୩୦।୧: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ଗୁଆଣ୍ଟାନାମୋ ଓ୍ବେ ଜେଲ୍ରେ ଡିଟେସନ୍ ସେଣ୍ଟର ବିସ୍ତାର କରିବା ନିର୍ଦେଶ ଦେଇଛନ୍ତି। ଏହି ସେଣ୍ଟରରେ ଆମେରିକାରୁ ଧରା ପଡିଥିବା ବେଆଇନ ପ୍ରବାସୀଙ୍କୁ ରଖାଯିବ। ଏହାର ସଂଖ୍ୟା ଏକ ଲକ୍ଷରୁ ଅଧିକ ହୋଇପାରେ। ଟ୍ରମ୍ପଙ୍କ ଏହି ନିର୍ଦେଶ ପରେ ସେହି ଲୋକଙ୍କ ଭିତରେ ଆତଙ୍କ ବଢି ଯାଇଛି, ଯାହାଙ୍କୁ ଭୟ ରହିଛି। ଆମେରିକାରେ ତାଙ୍କୁ ବେଆଇନ ପ୍ରବାସୀ ଘୋଷଣା କରାଯାଇପାରେ। ଆମେରିକାରେ ବ୍ରାଜିଲ, ମେକ୍ସିକୋ, ପାକିସ୍ତାନ ସହ ଦୁନିଆର ବହୁ ଦେଶରେ ବେଆଇନ ପ୍ରବାସୀ ରହିଚନ୍ତି। ଭାରତରେ ମଧ୍ୟ କିଛି ଲୋକଙ୍କ ଆଗରେ ବେଆଇନ ପ୍ରବାସୀ ଘୋଷିତ ହେବାର ବିପଦ ଦେଖିବାକୁ ମିଳିଛି। ଏବେ ଏହି ଲୋକଙ୍କୁ କୁଖ୍ୟାତ ଗୁଆଣ୍ଟାନାମୋ ଜେଲ୍ରେ ରଖାଯିବ। ଏହି ବିପଦଜନକ ଜେଲ୍ ପୁରା ଦୁନିଆରେ ଖୁବ୍ ଚର୍ଚ୍ଚିତ ରହିଛି, ଯାହାକୁ ୯/୧୧ ଆତଙ୍କବାଦୀ ଆକ୍ରମଣ ପରେ ତିଆରି କରାଯାଇଥିଲା। ଏପର୍ଯ୍ୟନ୍ତ ଆମେରିକା ଆତଙ୍କବାଦ ମାମଲାରେ ଗିରଫ ହୋଇଥିବା ଲୋକଙ୍କୁ ରଖିଥାଏ।
ଏବେ ଏହାକୁ ନେଇ ଚିନ୍ତା ପ୍ରକାଶ କରାଯାଇଛି ଯେ, ଟ୍ରମ୍ପଙ୍କ ନିର୍ଦେଶ ପରେ ବଡ ଧରଣର ପରିବର୍ତ୍ତନ ହୋଇପାରେ। ଏହାଦ୍ବାରା ମାନବାଧିକାରର ମଧ୍ୟ ହନନ ହେବ। ଏହି ମାମଲାରେ ସେଣ୍ଟର ଫର କନଷ୍ଟିଚ୍ୟୁସନାଲ ରାଇଟ୍ର ନିର୍ଦେଶକ ଭିନ୍ସ ଭରେନ୍ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି, ଗୁଆଣ୍ଟାନାମୋ ଓ୍ବେ ଜେଲ୍ରେ ପୁରା ଦୁନିଆରେ ବେଆଇନ ଶାସନ, ଉତ୍ପୀଡନ ଓ ବର୍ଣ୍ଣବୈଷମ୍ୟବାଦ ଚିହ୍ନଟ କରାଯାଇଛି। ସେଠାରେ ବେଆଇନ ପ୍ରବାସୀଙ୍କୁ ରଖିବା ବିପଦଜନକ ହେବ। ସେ କହିଛନ୍ତି, ଆମେରିକାର ରାଷ୍ଟ୍ରପତିଙ୍କ ଇତିହାସରେ ଏହା ଲଜ୍ଜାଜନକ ଘଟଣା। ଟ୍ରମ୍ପଙ୍କ ଏଭଳି ନିର୍ଦେଶ ସିଧା ସଳଖ ଭାବରେ ମାନବାଧିକାର ଉପରେ ଆକ୍ରମଣ। ଏହା ପୂର୍ବରୁ ଜର୍ଜ ବୁଶ୍ଙ୍କ ସରକାରରେ ମଧ୍ୟ ଡିଟେସନ୍ ସେଣ୍ଟରର ବ୍ୟବହାର କରାଯାଇଥିଲା। ଦାବି କରାଯାଉଛି ଯେ, ସେତେବେଳେ ପ୍ରାୟ ୮୦୦ ମୁସଲମାନଙ୍କୁ ସେଠାରେ ରଖାଯାଇଥିଲା।
ଏହି ଲୋକଙ୍କୁ ଆତଙ୍କବାଦ ବିରୋଧି ଯୁଦ୍ଧ ନାମରେ ରଖାଯାଇଥିଲା। ଏହାଛଡା ହେତି ରିଫ୍ୟୁଜି ମଧ୍ୟ ଏଠାରେ ରଖାଯାଇଥିଲା। ଅଭିଯୋଗ ରହିଛି ଯେ, ଆମେରିକା ଜେଲ୍ରେ ମାନବାଧିକାର ହନନ କରିଥାଏ ଓ ଅନ୍ତର୍ଜାତୀୟ ଆଇନକୁ ଉଲଂଘନ କରି ସଜା ଦିଆଯାଇଥାଏ। ଉଲ୍ଲେଖନୀୟ ଯେ, ୨୦୧୩ ରୁ ୨୦୧୮ ପର୍ଯ୍ୟନ୍ତ ଖୁବ୍ ମଜବୁତ ଥିବା ଆତଙ୍କବାଦୀ ସଂଠନ ଇସଲାମିକ୍ ଷ୍ଟେଡ୍ ବଡ ପରିମାଣରେ ସିରିଆ ଓ ଇରାନରେ ବେଆଇନ-ମୁସଲମାନଙ୍କୁ ହତ୍ୟା କରିଥିଲା। ଇସଲାମିକ୍ ଷ୍ଟେଟ୍ ବହୁ ଆମେରିକୀୟ ସୈନିକଙ୍କୁ ମଧ୍ୟ ମାରିଥିଲା।
