ନୂଆଦିଲ୍ଲୀ : ୱାଶିଂଟନ ଡିସିରେ ସେନାର ହେଲିକପ୍ଟର ସହ ଆମେରିକୀୟ ଏୟାରଲାଇନ୍ସର ଧକ୍କା ହୋଇଛି। ଏହି ବିମାନରେ ବସି ଥିବା ସମସ୍ତ ୬୭ ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ଏହିକଥା ଜଣେ ବରିଷ୍ଠ ଅଗ୍ନିଶମ ଅଧିକାରୀ କହିଛନ୍ତି। ନ୍ୟୁଜ୍ ରିପୋର୍ଟ ଅନୁସାରେ , ପୋଟୋମ୍ୟାକ ନଦୀରୁ ଏବେସୁଦ୍ଧା ଅତି କମ୍ରେ ୨୮ଜଣଙ୍କ ମୃତଦେହ ଉଦ୍ଧାର କରାଯାଇଛି ,ଯେଉଁଠି ଦୁଇଟି ବିମାନ ଧକ୍କା ହେବା ପରେ ଖସି ପଡ଼ିଥିଲେ।
ଏହି ଦୁର୍ଘଟଣା, ଯାହା ଆମେରିକାର ଇତିହାସର ସବୁଠୁ ଭୟଙ୍କର ଦୁର୍ଘଟଣା ମଧ୍ୟରେ ଗୋଟିଏ, ଏହା ଏହି ସମୟରେ ଘଟିଛି ଯେତେବେଳେ ବାଣିଜ୍ୟିକ ଜେଟ୍ ବିମାନ ରୋନାଲ୍ଡ ରିଗନ ରାଷ୍ଟ୍ରୀୟ ବିମାନ ବନ୍ଦରକୁ ଓହ୍ଲାଇବାକୁ ପ୍ରୟାସ କରୁଥିଲା ଏବଂ ଏହା ଆମେରିକୀୟ ସେନାର ବ୍ଲାକ୍ ହକ୍ ହେଲିକପ୍ଟର ସହ ଧକ୍କା ହୋଇଥିଲା।
ୱାଶିଂଟନର ଅଗ୍ନିଶମ ପ୍ରମୁଖ ଜନ ଡୋନେଲି ଏକ ସାମ୍ୱାଦିକ ସମ୍ମିଳନୀକୁ ସମ୍ୱୋଧିତ କରି କହିଛନ୍ତି , ଆମେ ଏବେ ଏହି ସ୍ଥାନରେ ପହଞ୍ଚି ଯାଇଛୁ , ଯେଉଁଠି ଆମେ ରେସ୍କର ଅପରେସନରୁ ରିକଭରୀ ଅପରେସନ ଆଡ଼କୁ ଆଗେଇ ଚାଲିଛୁ। ଆମକୁ ଲାଗୁନି କି କେହି ବି ଜୀବତ ଥିବେ।
ଇଣ୍ଡିଆ ଟୁଡେରେ ପ୍ରକାଶିତ ସୂଚନା ଅନୁସାରେ ,ଯାତ୍ରୀ ବିମାନର ଭଗ୍ନାବଶେଷ ଅଣ୍ଟା ଯାଏ ଗଭୀର ପାଣିରେ ୩ଟି ଭାଗରେ ଓଲଟି ପଡ଼ିଥିବା ମିଳିଛି। ହେଲିକପ୍ଟରର ଭଗ୍ନାବଶେଷ ମଧ୍ୟ ଉଦ୍ଧାର ହୋଇଛି। ଆହୁରି ପୀଡ଼ିତଙ୍କୁ ଓ ଭଗ୍ନାବଶେଷର ତଲାସୀ ଜାରି ରହିଛି। ବିମାନ ଧକ୍କା ହେବା ପଛର କାରଣ ଏବେସୁଦ୍ଧା ଅଧିକାରୀଙ୍କୁ ଜଣାପଡ଼ି ନାହିଁ। ନ୍ୟାସନାଲ ଟ୍ରାନ୍ସପୋର୍ଟେସନ ସେଫ୍ଟି ବୋର୍ଡ (ଏନଟିଏସବି) ଓ ଫେଡରଲ ଏଭିଏସନ ଏଡମିନିଷ୍ଟ୍ରେସନ (ଏଫଏଏ)ର ଯାଞ୍ଚକର୍ତ୍ତା ଦୁର୍ଘଟଣା ସ୍ଥଳରେ ଉପସ୍ଥିତ ରହିଛନ୍ତି ଏବଂ ଏହି ଭୟାବହ ଘଟଣା ପାଇଁ ଦାୟି ପରିସ୍ଥିତିକୁ ଜାଣିବାକୁ ଚେଷ୍ଟା କରୁଛନ୍ତି।
