ନୂଆଦିଲ୍ଲୀ: ଆଫଗାନିସ୍ତାନ ସୀମାନ୍ତ ଉତ୍ତର-ପଶ୍ଚିମ ଅଞ୍ଚଳରେ ଆତଙ୍କବାଦୀଙ୍କ ସହ ଏକ ଏନକାଉଣ୍ଟରରେ ଜଣେ ମେଜରଙ୍କ ସମେତ ଦୁଇ ଜଣ ସୁରକ୍ଷା କର୍ମୀ ନିହତ ହୋଇଛନ୍ତି । ପାକିସ୍ତାନ ସେନା ଗୁରୁବାର ଏହି ସୂଚନା ଦେଇଛି। ସେନାର ଗଣମାଧ୍ୟମ ଶାଖା, ଇଣ୍ଟର-ସର୍ଭିସେସ୍ ପବ୍ଲିକ୍ ରିଲେସନ୍ସ (ISPR) ଗୁପ୍ତ ସୂଚନା ଆଧାରରେ ସୁରକ୍ଷା ବାହିନୀ ଦ୍ୱାରା ଗତକାଲି (ବୁଧବାର) ରାତିରେ ଏକ ଅପରେସନ୍ ଆରମ୍ଭ କରିଥିଲା। 

ସେନା କହିଛି ଯେ ଅପରେସନ ସମୟରେ ପାକିସ୍ତାନୀ ସୈନିକ ମାନେ ଛଅ ଜଣ ଆତଙ୍କବାଦୀଙ୍କୁ ହତ୍ୟା କରିଛନ୍ତି। ଏନକାଉଣ୍ଟରରେ ନିହତ ସୁରକ୍ଷା କର୍ମୀମାନେ ରାୱଲପିଣ୍ଡିର ୨୯ ବର୍ଷୀୟ ମେଜର ହମଜା ଇସରାର ଏବଂ ନାସିରାବାଦର ୨୬ ବର୍ଷୀୟ ସୈନିକ ମହମ୍ମଦ ନଇମ ବୋଲି ଚିହ୍ନଟ କରାଯାଇଛି। ଏହି ଅପରେସନରେ ଇସରାର ସୈନିକ ଦଳର ନେତୃତ୍ୱ ନେଉଥିଲେ।

ସେନା କହିଛି ଯେ ଏନକାଉଣ୍ଟର ପରେ, ସୁରକ୍ଷା ବାହିନୀ ଅବଶିଷ୍ଟ ଆତଙ୍କବାଦୀଙ୍କୁ ନିପାତ କରିବା ପାଇଁ ଅଞ୍ଚଳରେ ଏକ ସର୍ଚ୍ଚ ଅପରେସନ ଆରମ୍ଭ କରିଥିଲେ। ଡନ୍ ଖବରକାଗଜ ରିପୋର୍ଟ କରିଛି ଯେ ରାଷ୍ଟ୍ରପତି ଆସିଫ୍ ଅଲ୍ଲୀ ଜର୍ଦ୍ଦାରୀ ଛଅ ଜଣ ଆତଙ୍କବାଦୀଙ୍କୁ ହତ୍ୟା କରିବା ପାଇଁ ସୁରକ୍ଷା ବାହିନୀକୁ ପ୍ରଶଂସା କରିଛନ୍ତି ଏବଂ ମୃତ ସୈନିକ ମାନଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।