ମୁମ୍ବାଇ,୩୧/୦୧: ଲୋକପ୍ରିୟ ରାପର ରଫ୍ତାର ଫ୍ୟାନ୍ସଙ୍କ ପାଇଁ ଖୁସି ଖବର । ଛାଡ଼ପତ୍ରର ୪ ବର୍ଷ ପରେ ପୁଣିଥରେ ବିବାହ ବନ୍ଧନରେ ବାନ୍ଧି ହେଲେ ରଫ୍ତାର । ନିକଟରେ ତାଙ୍କର ଦ୍ବିତୀୟ ବିବାହକୁ ନେଇ ଖବର ସାମ୍ନାକୁ ଆସିଥିଲା । ତାଙ୍କର ବିବାହ କାର୍ଡ଼ ମଧ୍ୟ ସୋସିଆଲ ମିଡି଼ଆରେ ଲିକ ହୋଇଥିଲା । ଆଉ ବର୍ତ୍ତମାନ ରାପର ରଫ୍ତାରଙ୍କ ଦ୍ବିତୀୟ ବିବାହର ଫଟୋ ସାମ୍ନାକୁ ଆସିଛି।
ଏହା ମଧ୍ୟ ପଢନ୍ତୁ-୧୦୦କୋଟିର କ୍ଲବରେ ସାମିଲ ହେବାକୁ ଯାଉଛି 'ସ୍କାଏ ଫୋର୍ସ' ; ଅକ୍ଷୟଙ୍କ ୪ବର୍ଷ ଅପେକ୍ଷା ଶେଷ ହେବ
ମନରାଜ ଜବଂଦାଙ୍କ ସହିତ ରଫ୍ତାର ପୁଣିଥରେ ନିଜ ଜୀବନର ନୂଆ ଆରମ୍ଭ କରିଛନ୍ତି । ରଫ୍ତାର ନିଜ ସମ୍ପର୍କୀୟ ଓ କିଛି ସାଙ୍ଗଙ୍କୁ ନିଜ ବିବାହକୁ ନିମନ୍ତ୍ରଣ କରିଥିଲେ। କିନ୍ତୁ ବର୍ତ୍ତମାନ ଯାଏଁ ରଫ୍ତାର ନିଜ ବିବାହ ଖବର ନେଇ କୌଣସି ଅଫିସିଆଲି ଘୋଷଣା କରି ନାହାନ୍ତି। ତେବେ ଭାଇରାଲ ହେଉଥିବା ତାଙ୍କ ବିବାହ ଫଟୋ ଓ ଭିଡିଓକୁ ଦେଖି ଫ୍ୟାନ୍ସ ବେଶ ଖୁସି ହୋଇଛନ୍ତି । ସାଉଥ ଇଣ୍ଡିଆନ ନୀତି ଅନୁସାରେ ଉଭୟଙ୍କ ବିବାହ ସମ୍ପନ୍ନ ହୋଇଛି । ରିପୋର୍ଟ ମୁତାବକ, ମନରାଜ ଜବଂଦା କୋଲକାତାର । ସେ ଫ୍ୟାଶନ ଓ ଫିଟନେସ ସହିତ ଜଡ଼ିତ । ଗ୍ରାଜୁଏସନ ପରେ ସେ ମୁମ୍ବାଇ ସିଫ୍ଟ ହୋଇଯାଇଥିଲେ । ମନରାଜ ରଫ୍ତାରଙ୍କ ସହ ଅନେକ ମ୍ୟୁଜିତ ଭିଡିଓରେ କାମ କରିଛନ୍ତି । ସେ ଷ୍ଟାଇଲିଷ୍ଟ ପାଇଁ ଅନେକ ରିଆଲିଟି ଶୋ ଓ ମ୍ୟୁଜିକ ଭିଡି଼ଓ ଓ ଟିଭି ଆଡ଼୍ରେ ମଧ୍ୟ କାମ କରିଛନ୍ତି। ଏବେ ଏମାନଙ୍କ ଲବ ଷ୍ଟୋରୀ କେବେ ଓ କିପରି ଆରମ୍ଭ ହେଲା କେବଳ ଏମାନେ ହିଁ କହିପାରିବେ । ବର୍ତ୍ତମାନ ଫ୍ୟାନ୍ସ ଉଭୟଙ୍କ ବିବାହକୁ ନେଇ ବେଷ ଖୁସି ଥିବା ବେଳେ ଚାରୁଆଡ଼ୁ ଛୁଟୁଛି ଶୁଭେଚ୍ଛାର ସୁଅ।
