ମୁମ୍ବାଇ,୨୩/୨ : ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଚାମ୍ପିୟନ୍ସ ଟ୍ରଫିର ସବୁଠାରୁ ବଡ଼ ମ୍ୟାଚ୍ ଭାରତ ବନାମ ପାକିସ୍ତାନ ଖେଳାଯାଉଛି । ପ୍ରଥମେ ବୋଲିଂ କରି ଭାରତ ପାକିସ୍ତାନକୁ ୨୪୧ରନରେ ଅଲଆଉଟ୍ କରିଦେଇଛି । ଏହି ବଡ଼ ମ୍ୟାଚକୁ ଦେଖିବା ଲାଗି କେତେକ ବଡ଼ ଷ୍ଟାର୍ ଦୁବାଇରେ ପହଞ୍ଚିଛନ୍ତି । ବଲିଉଡ଼ ଅଭିନେତ୍ରୀ ଏବଂ ଅନୀଲ କପୁରଙ୍କ ଝିଅ ସୋନମ କପୁର ଷ୍ଟାଡିୟମରେ ପହଞ୍ଚିଛନ୍ତି। ନିଜ ଅଧିନାୟକତ୍ବରେ ଭାରତକୁ ଚାମ୍ପିୟନ୍ସ ଟ୍ରଫି ବିଜେତା ହୋଇଥିବା ଧୋନୀ ବି ସନୀ ଦେଓ୍ବଲଙ୍କ ସହ ମ୍ୟାଚ୍ ଦେଖୁଛନ୍ତି । ତାଙ୍କ ଭିଡ଼ିଓ ଜିଓ ହଟଷ୍ଟାର୍ ମ୍ୟାଚ୍ ସମୟରେ ସେୟାର କରିଛି ।
ଭାରତ ବନାମ ପାକିସ୍ତାନ ମ୍ୟାଚ୍ ଦେଖିବାକୁ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ କେତେକ ବଡ଼ ଷ୍ଟାର୍ ପହଞ୍ଚିଛନ୍ତି । ଅଭିନେତ୍ରୀ ସୋନମ କପୁର ନିଜ ସ୍ବାମୀଙ୍କ ସହ ଷ୍ଟାଡିୟମରେ ନଜର ଆସିଥିଲେ । ସାଉଥର ବଡ଼ ଷ୍ଟାର ଚିରଞ୍ଜିବ ଷ୍ଟାଣ୍ଡରେ ବସିଥିବା ଦେଖିଯାଇଛନ୍ତି ।
MS DHONI & SUNNY DEOL WATCHING INDIA vs PAKISTAN MATCH...!!!! pic.twitter.com/qlnK1GBIbx
— Johns. (@CricCrazyJohns) February 23, 2025
ଟି୨୦ରେ ଟିମ୍ ଇଣ୍ଡିଆର ଅଧିନାୟକ ସୂର୍ଯ୍ୟକୁମାର ଯାଦବ ବି ଭାରତ ପାକିସ୍ତାନ ମ୍ୟାଚ୍ ଦେଖିବାକୁ ଷ୍ଟାଡିୟମରେ ଉପସ୍ଥିତ ଅଛନ୍ତି। ବିସ୍ଫୋଟକ ବ୍ୟାଟର ଅଭିଷେକ ଶର୍ମା ବି ଷ୍ଟାଡିୟମରେ ଅଛନ୍ତି। ସେ ସାଉଥ ଷ୍ଟାର ଚିରଞ୍ଜିବଙ୍କ ସହ ଷ୍ଟାଡିୟମରେ ବସିଥିବା ନଜର ଆସିଥିଲେ ।
ଧୋନୀ ବି ସୁଟ୍ ସମୟରେ ସମୟ ବାହାର କରି ଭାରତ ବନାମ ପାକିସ୍ତାନ ମ୍ୟାଚ୍ ଦେଖୁଛନ୍ତି । ଜିଓ ହଟଷ୍ଟାର୍ ଭିଡ଼ିଓ ସେୟାର କରି ଦେଖାଇଛି କି ଧୋନୀଙ୍କୁ ଭେଟିବାକୁ ବଲିଉଡ଼ ଅଭିନେତା ସନୀ ଦେଓ୍ବଲ ପହଞ୍ଚିଛନ୍ତି । ଉଭୟ ମିଶି ମ୍ୟାଚର ଆନନ୍ଦ ଉଠାଉଛନ୍ତି ।
