ଲାହୋର: ଲାହୋରର ଗଦାଫି ଷ୍ଟାଡିୟମରେ ଶନିବାର ବଡ଼ ରେକର୍ଡ କରିଛି ଇଂଲଣ୍ଡ । ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡ ୫୦ ଓଭରରେ ୮ ୱିକେଟ ହରାଇ ୩୫୧ ରନ କରି ଆଇସିସି ଚାମ୍ପିଅନ୍ସ ଟ୍ରଫି ଇତିହାସରେ ସର୍ବାଧିକ ଦଳୀୟ ସ୍କୋର କରିଛି । ପୂର୍ବରୁ ୨୦୦୪ ମସିହାରେ ନ୍ୟୁଜିଲାଣ୍ଡ ଆମେରିକା ବିପକ୍ଷରେ ୩୪୭ ରନ କରିଥିଲା । ଇଂଲଣ୍ଡ ପକ୍ଷରୁ ବେନ୍ ଡକେଟ ୧୪୩ ବଲରେ ୧୬୫ ରନ୍ କରିଛନ୍ତି । ଡକେଟ ୧୭ଟି ଚୌକା ଏବଂ ୩ଟି ଛକା ମାରିଛନ୍ତି । ଜୋ ରୁଟ୍ (୬୮ ରନ୍) ଏକ ଅର୍ଦ୍ଧଶତକୀୟ ପାଳି ଖେଳିଛନ୍ତି । ୧୦ ବଲ୍ ରୁ ୨୧ ରନ୍ କରି ଅପରାଜିତ ଥିବା ଜୋଫ୍ରା ଆର୍ଚର ଇନିଂସର ଶେଷ ତିନୋଟି ବଲ୍ ରୁ ୧୨ ରନ୍ କରି ଇଂଲଣ୍ଡକୁ ପୂର୍ବ ରେକର୍ଡ ଅତିକ୍ରମ କରାଇବାରେ ସହାୟକ ହୋଇଛନ୍ତି । ସେପଟେ ଅଷ୍ଟ୍ରେଲିଆ ପକ୍ଷରୁ ବେନ୍ ଦ୍ୱାରସିସ୍ ୩ଟି ୱିକେଟ ନେଇଥିବା ବେଳେ ଆଦାମ ଜାମ୍ପା ଏବଂ ମାର୍ନସ୍ ଲାବୁଶେନ୍ ୨ଟି ଲେଖାଏଁ ୱିକେଟ୍ ନେଇଛନ୍ତି ।
ଚାମ୍ପିଅନ୍ସ ଟ୍ରଫିରେ ସବୁଠୁ ବଡ଼ ସ୍କୋର
୩୫୧/୮ (୫୦) - ଇଂଲଣ୍ଡ ବନାମ ଅଷ୍ଟ୍ରେଲିଆ - ଲାହୋର - ୨୦୨୫
୩୪୭/୪ (୫୦) - ନ୍ୟୁଜିଲାଣ୍ଡ ବନାମ ଆମେରିକା - ଦି ଓଭାଲ - ୨୦୦୪
୩୩୮/୪ (୫୦) - ପାକିସ୍ତାନ ବନାମ ଭାରତ - ଦି ଓଭାଲ - ୨୦୧୭
୩୩୧/୭ (୫୦) - ଭାରତ ବନାମ ଦକ୍ଷିଣ ଆଫ୍ରିକା - କାର୍ଡିଫ୍ - ୨୦୧୩
୩୨୩/୮ (୫୦) - ଇଂଲଣ୍ଡ ବନାମ ଦକ୍ଷିଣ ଆଫ୍ରିକା - ସେଞ୍ଚୁରିଅନ୍ - ୨୦୦୯
୩୨୨/୩ (୪୮.୪) - ଶ୍ରୀଲଙ୍କା ବନାମ ଭାରତ - ଓଭାଲ – ୨୦୧୭
ଇଂଲଣ୍ଡ: ଜସ୍ ବଟଲର୍ (ଅଧିନାୟକ), ଫିଲ୍ ସଲ୍ଟ (ୱିକେଟକିପର), ବେନ୍ ଡକେଟ, ଜେମି ସ୍ମିଥ୍, ଜୋ ରୁଟ୍, ହ୍ୟାରି ବ୍ରୁକ୍, ଲିଆମ୍ ଲିଭିଙ୍ଗଷ୍ଟୋପ, ବ୍ରାଇଡନ୍ କାର୍ସେ, ଜୋଫ୍ରା ଆର୍ଚର, ଆଦିଲ୍ ରସିଦ୍ ଏବଂ ମାର୍କ ଉଡ୍।
ଅଷ୍ଟ୍ରେଲିଆ: ଷ୍ଟିଭ୍ ସ୍ମିଥ୍ (ଅଧିନାୟକ), ମାଥ୍ୟୁ ସର୍ଟ, ଟ୍ରାଭିସ୍ ହେଡ୍, ମାର୍ନସ୍ ଲାବୁଶେନ, ଆଲେକ୍ସ କ୍ୟାରି, ଜୋଶ୍ ଇଙ୍ଗଲିସ୍ (ୱିକେଟକିପର), ଗ୍ଲେନ୍ ମ୍ୟାକ୍ସୱେଲ୍, ବେନ୍ ଦ୍ୱାରସିସ୍, ନାଥନ୍ ଏଲିସ୍, ସ୍ପେନ୍ସର ଜନସନ୍ ଏବଂ ଆଦାମ ଜାମ୍ପା।
