ତେଲକୋଇ,୦୭/୧୦: ଚକଧର ଜଳପ୍ରକଳ୍ପକୁ ବିରୋଧ ପାଇଁ ତେଲକୋଇ ଅଞ୍ଚଳରେ ପୁଣି ବିରୋଧ ଆରମ୍ଭ । ଏନେଇ ସୋମବାର ପୁଣି ଥରେ ତେଲକୋଇ ବନ୍ଦଡାକରା ଦିଆଯାଇଛି । କେନ୍ଦୁଝର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏହି ବିରୋଧର ପ୍ରଦର୍ଶନ କରାଯିବ । ଏହା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯିବାର କାର୍ଯ୍ୟକ୍ରମ ରହିଛି ।
ସୂଚନା ମୁତାବକ, ଚଳିତ ବର୍ଷ ଅଗଷ୍ଟ ମାସ ୨୭ ତାରିଖରେ ତେଲକୋଇରେ ଏକ ବିଶାଳ ରାଲି କରାଯାଇଥିଲା । ଏହି ସମୟରେ ଦୋକାନ ବଜାର ସହ ଗାଡ଼ି ଚଳାଚଳ ବନ୍ଦ ରହିଥିଲା । ପରେ ସେପ୍ଟେମ୍ୱର ୧୨ ତାରିଖରେ ୪୯ ନମ୍ବର ଜାତୀୟ ରାଜପଥରେ ୧୨ ଘଣ୍ଟିଆ ରାସ୍ତା ଅବରୋଧ କରାଯାଇଥିଲା । ବର୍ତ୍ତମାନ ପୁଣିଥରେ ତେଲକୋଇ ବଜାର ସହିତ ଜଗମୋହନପୁର ବଜାର ବନ୍ଦ ଡାକରା ଦିଆଯାଇଛି । ସୋମବାର ଏହି ବନ୍ଦ ଡାକରାରେ ଦୋକାନ ବଜାର ସହ ସ୍କୁଲ କଲେଜ ସରକାରୀ ଏବଂ ବେସରକାରୀ ଅଫିସ ବନ୍ଦ ରହିଛି । ଏହ ସହ ଗାଡି ଚଳାଚଳ ସଂପୂର୍ଣ୍ଣ ବନ୍ଦ ରହିଛି । ଚକଧର ଜଳ ପ୍ରକଳ୍ପ କାର୍ଯ୍ୟକାରୀ ହେଲେ ତେଲକୋଇର ବହୁ ଅଞ୍ଚଳ ଜଳମଗ୍ନ ହେବା ଆଶଙ୍କାରେ ଲୋକେ ବିରୋଧ ପ୍ରଦର୍ଶନ କରୁଛନ୍ତି।