କେନ୍ଦୁଝର,୦୯/୧୦: କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ ଉଖୁଣ୍ଡା ସେକ୍ସନ ଅଞ୍ଚଳରେ ଏକ ସପ୍ତାହ ଧରି ହାତୀପଲଙ୍କ ଉପଦ୍ରବ ଜାରି ରହିଥିଲା । ଜ୍ୟୋତିପୁର, ବର୍ଦ୍ଧନା, ପାରୁଡ଼ିପଶି, ଜାଲି, ନିଶ୍ଚିନ୍ତପୁର , ବାରିଆ , ପଡୁଆ ଅଞ୍ଚଳରେ ହାତୀପଲ ଏକର ଏକର ଧାନ ଚାଷ ନଷ୍ଟ କରିବା ସହ ହାତୀପଲ ଜଳକ୍ରୀଡ଼ା କରିଥିବା ଦେଖିବାକୁ ମିଳିଛି । ଏହି ହାତୀପଲରେ ୮ ଟି ଦନ୍ତା ହାତୀ ଥିବା ବେଳେ ୧୩ ଟି ମାଈ ହାତୀ ଏବଂ ୭ଟି ଛୁଆ ହାତୀ ରହିଛନ୍ତି ।
ଏକ୨୮ ଟିକିଆ ଝାରଖଣ୍ଡୀ ହାତୀପଲ ଗତ କିଛି ଦିନ ହେବ ଚମ୍ପୁଆ ରେଞ୍ଜକୁ ପ୍ରବେଶ କରି ଜ୍ୟୋତିପୁର, ବର୍ଦ୍ଧନା, ପାରୁଡ଼ିପଶି, ଜାଲି, ନିଶ୍ଚିନ୍ତପୁର , ବାରିଆ , ପଡୁଆ ଅଞ୍ଚଳ ରେ ଆତଙ୍କ ଖେଳାଇବା ସହ ଏକର ଏକର ଚାଷ ଜମିକୁ ମାଡି ଚକଟି ନଷ୍ଟ କରିଦେଇଥିଲେ । ବୁଧବାର ସକାଳୁ ହାତୀପଲ କଞ୍ଚନ ଡୁମୁରିଆ ଜଙ୍ଗଲରେ ଡେରା ପକାଇ ଥିବା ବେଳେ ଜଙ୍ଗଲ ଭିତରେ ଥିବା ଏକ ବନ୍ଧରେ ଦୀର୍ଘ ସମୟ ଧରି ଜଳକ୍ରୀଡାରେ ମଜି ରହିଥିବା ଦେଖିବାକୁ ମିଳିଥିଲା । ହାତୀପଲଙ୍କ ଉପଦ୍ରବରେ ଲୋକେ ଭୟଭୀତ ଅବସ୍ଥାରେ ରହୁଥିବା ବେଳେ ହାତୀପଲଙ୍କ ଜଳକ୍ରୀଡାର ମନୋରମ ଦୃଶ୍ୟ ଦେଖିବାକୁ ଲୋକଙ୍କ ଭିଡ଼ ଜମିଛି ।ଏହି ହାତୀପଲରେ ୮ ଟି ଦନ୍ତା ହାତୀ ଥିବା ବେଳେ ୧୩ ଟି ମାଈ ହାତୀ ଏବଂ ୭ଟି ଛୁଆ ହାତୀ ରହିଛନ୍ତି । ଏବେ ହାତୀପଲ ଗାଁ ନିକଟରେ ଘୁରି ବୁଲୁଥିବାରୁ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ବନ ବିଭାଗ ହାତୀପଲଙ୍କ ଉପରେ କଡା ନଜର ରଖିଛି ।
