ପାଟଣା,୧୨/୧୨: କୁହୁଡିର ଚାଦର ତଳେ କେନ୍ଦୁଝର ଜିଲ୍ଲାର ପାଟଣା ଅଞ୍ଚଳ । ଆଜି ସକାଳୁ ସକାଳୁ ପାଟଣା ଅଞ୍ଚଳରେ କୁହୁଡିର ଆସ୍ତରଣ ଦେଖିବାକୁ ମିଳିଛି । ଫଳରେ ରାଜପଥରେ ଗାଡି ଚଳାଚଳରେ ସମସ୍ୟା ଦେଖା ଦେଇଛି । ଘନ କୁହୁଡି ଯୋଗୁ ସକାଳୁ ସକାଳୁ ଲୋକେ ଘରୁ ବାହାରିବା ମୁସ୍କିଲ ହୋଇଯାଇଛି । ଶୀତ ବଢିଥିବାରୁ ଛାତ୍ରଛାତ୍ରୀମାନେ ସ୍କୁଲ ଓ କୋଚିଂ କ୍ଲାସ ଯିବାରେ ଅସୁବିଧାର ସମ୍ମୁଖୀନ ହେଉଛନ୍ତି ।
ସେହିପରି ମର୍ନିଙ୍ଗ ୱାକ୍ ପାଇଁ ଲୋକେ ସମସ୍ୟାରେ ପଡିଛନ୍ତି । କୋହଲା ପାଗ ସାଙ୍ଗକୁ ଅସହ୍ୟ ଥଣ୍ଡା ଯୋଗୁଁ ଲୋକେ ଘରୁ ବାହାରି ପାରୁ ନାହାନ୍ତି । ମୁହଁକୁ ମୁହଁ ଦୃଶ୍ୟମାନ ହେଉନଥିବାରୁ ଗାଡି ମୋଟର ଚଳାଚଳରେ ସମସ୍ୟା ଦେଖା ଦେଇଛି । ସକାଳୁ ସକାଳୁ ଚଲଚଞ୍ଚଳ ହୋଇ ପଡୁଥିବା ପାଟଣା ଅଞ୍ଚଳର ବଜାର ଘାଟ ଏବେ ଶୂନ ଶାନ୍ ହୋଇପଡିଛି । କେନ୍ଦୁଝର ପାଟଣା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ବମ୍ବେ, କଲିକତା ଏବଂ ୨୨୦ ନମ୍ବର ରାଞ୍ଚି-ବିଜୟ ୱାଡା ଜାତୀୟ ରାଜପଥରେ ଗାଡି ଚଳାଚଳରେ ସମସ୍ୟା ଦେଖା ଦେଇଛି । ଅନ୍ୟ ପଟେ ଅସହ୍ୟ ଥଣ୍ଡା ଯୋଗୁଁ ବସ ଯାତ୍ରୀ ମାନେ ମଧ୍ୟ ଅସୁବିଧାରେ ସମ୍ମୁଖୀନ ହେଉଛନ୍ତି । ଥଣ୍ଡାରୁ ରକ୍ଷା ପାଇଁ ଚା ଦୋକାନରେ ଲୋକଙ୍କ ଭିଡ଼ ଜମିବା ସହ ଲୋକେ ନିଆଁ ଜାଳିଥିବା ମଧ୍ୟ ଦେଖିବାକୁ ମିଳିଛି ।
