ବଡବିଲ,୧୯/୧୨: ପାର୍କିଂ ନିକଟ ବୁଦାରୁ ଟ୍ରକ୍ ଡ୍ରାଇଭରଙ୍କ କ୍ଷତାକ୍ତ ମୃତଦେହ ଉଦ୍ଧାର ହୋଇଛି । ହତ୍ୟା ଅଭିଯୋଗ କଲେ ପରିବାର ଲୋକେ । ମୃତକ ଘଟଗାଁ ବ୍ଲକ୍ ସାନ୍ତରାପୁର ଗାଁର ସୁଶାନ୍ତ ମହାକୁଡ଼ ବୋଲି ଜଣାପଡ଼ିଛି । କେନ୍ଦୁଝର ଜିଲ୍ଲା ବାମେବାରୀ ଥାନା ଅନ୍ତର୍ଗତ ଜରିବାହାଳ ଆନ୍ତ୍ରାମାନ୍ତ୍ରା ପାର୍କିଂ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମଙ୍ଗଳବାର ଗାଡ଼ିରେ ଯାଉଥିବା ବେଳେ ସୁଶାନ୍ତ ବାଟରେ ଓହ୍ଲାଇ ପଡ଼ିଥିଲେ । ଗାଡିରୁ ଓହ୍ଲାଇ ହେଲ୍ପରକୁ ଗାଡ଼ି ଦେଇ ରୁଙ୍ଗଟା ଛକରୁ ଆସୁଛି କହି ଧୀରେ ଧୀରେ ଗାଡ଼ି ଆଗକୁ ବଢ଼ାଇବାକୁ କହିଥିଲେ । ହେଲେ ପରେ ସେ ଆଉ ଫେରି ନଥିଲେ । ତାଙ୍କୁ ବହୁ ଖୋଜାଖୋଜି ପରେ ବି କିଛି ସନ୍ଧାନ ମିଳି ନଥିଲା । ବୁଧବାର ସନ୍ଧ୍ୟାରେ ଆନ୍ତ୍ରାମାନ୍ତ୍ରା ପାର୍କିଂ ନିକଟ ଏକ ବୁଦାରୁ ତାଙ୍କ ମୃତଦେହ ମିଳିଥିଲା । ଏନେଇ ପରିବାର ଲୋକେ ହତ୍ୟା ଅଭିଯୋଗ କରଥିଲେ । ପାରିପାର୍ଶ୍ୱିକ ସ୍ଥିତି ଏବଂ ପରିବାର ଲୋକଙ୍କ ଅଭିଯୋଗକୁ ଭିତ୍ତି କରି ଟ୍ରକ୍ ହେଲ୍ପରକୁ ପଚରା ଉଚୁରା କରିବା ସହ ତଦନ୍ତ ଆରମ୍ଭ କରିଛି ବାମେବାରୀ ପୋଲିସ ।
