ଆନନ୍ଦପୁର, ୨୦/୧୨ : ପୂର୍ବ ଶତ୍ରୁତାକୁ କେନ୍ଦ୍ରକରି ଭୁଜାଲି ମାଡ଼। କେନ୍ଦୁଝର ଜିଲ୍ଲା ଆନନ୍ଦପୁର ଥାନା କଣ୍ଟିପାଳ ପଞ୍ଚାୟତ କଣ୍ଟିପାଳ ଖିଲାର ସାହିରେ ଏଭଳି ଘଟଣା ଘଟିଛି। ଶୁକ୍ରବାର ସକାଳୁ ପଡୋଶୀଙ୍କ ଆକ୍ରମଣରେ ବିଜୁ ପରିଡ଼ା ଓ ତାଙ୍କ ଶାଶୁ ଗୁରୁତର ଆହତ ହୋଇଛନ୍ତି।
ସୂଚନାନୁଯାୟୀ, କଣ୍ଟିପାଳ ଖିଲାର ସାହିର ବିଜୁ ପରିଡା ଆଜି ସକାଳୁ ଏକ ଖାସି ନେଇ ବିକ୍ରି କରିବାକୁ ଯାଉଥିଲେ। ଏତିକି ବେଳେ ପୂର୍ବ ଶତ୍ରୁତାକୁ କେନ୍ଦ୍ରକରି ଜଣେ ପଡୋଶୀ ତାଙ୍କ ଉପରକୁ ଭୁଜାଲିରେ ଆକ୍ରମଣ କରିଥିଲେ। ଏହି ସମୟରେ ତାଙ୍କ ଶାଶୁ ପ୍ରମିଳା ପଲେଇ ଉଦ୍ଧାର କରିବାକୁ ଯାଇଥିବା ବେଳେ ସେ ମଧ୍ୟ ଆକ୍ରମଣର ଶିକାର ହୋଇଥିଲେ। ତେବେ ଭୁଜାଲି ମାଡ଼ରେ ବିଜୁ ପରିଡା ଗୁରୁତର ହୋଇଛନ୍ତି। ତାଙ୍କୁ ଶାଶୁ ଆହତ ହୋଇଛନ୍ତି। ଉଭୟଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି।
