ପାଟଣା, ୨୦/୧୨: ଧାନ ବିଡା ଖାଲି କରି ଆସୁଥିବା ସମୟରେ ଅଘଟଣ । ଭାରସାମ୍ୟ ହରାଇ ଓଲଟି ପଡ଼ିଲା ଟ୍ରାକ୍ଟର । ଦୁର୍ଘଟଣାରେ ଟାଲିଗଲା ଡ୍ରାଇଭରଙ୍କ ଜୀବନ । ମୃତକ ବଡ଼ବାଲିପଶି ଗ୍ରାମର ସଞ୍ଜିବ କୁମାର ମହାନ୍ତ ବୋଲି ଜଣାପଡ଼ିଛି । କେନ୍ଦୁଝର ଜିଲ୍ଲା ପାଟଣା ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବଡ଼ବାଲିପଶି ଗାଁର ସଞ୍ଜିବ କୁମାର ମହାନ୍ତ ନାମକ ଜଣେ କୃଷକ ଧାନ ବିଡା ଖାଲି କରି ନିଜ ଟ୍ରାକ୍ଟର ଯୋଗେ ଆସୁଥିଲେ । ଏହି ସମୟରେ ହଠାତ ଟ୍ରାକ୍ଟରଟି ଓଲଟି ପଡ଼ିଥିଲା । ଫଳରେ ଟ୍ରାକ୍ଟର ତଳେ ଚାପି ହୋଇ ସଞ୍ଜିବଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସାହାରପଡା ଫାଣ୍ଡି ପୋଲିସ ପହଞ୍ଚିଛି । ସେଠାରେ ପହଞ୍ଚି ବ୍ୟକ୍ତିଙ୍କ ମୃତଦେହ ଜବତ କରିଛି ପୋଲିସ ।
