କେନ୍ଦୁଝର ସଦର୮/୧୦(ଆପ୍ର) : ପୂର୍ବତଟ ରେଳପଥ ଅନ୍ତର୍ଗତ ଖୋର୍ଦ୍ଧା ମଣ୍ଡଳର ଖୋର୍ଦ୍ଧା ଠାରୁ କେନ୍ଦୁଝର ଅଭିମୁଖେ ଯାଉଥିବା ୦୮୪୫୬ ନଂ ମେମୁ ଟ୍ରେନରେ ମଙ୍ଗଳବାର ଯାତ୍ରୀଙ୍କ ଭିଡ଼ ଦେଖିବାକୁ ମିଳିଛି । ଲୋକମାନେ ସିଟ ନ ପାଇ ଭୁବନେଶ୍ୱରରୁ କେନ୍ଦୁଝର ପର୍ଯନ୍ତ ଛିଡା ହୋଇ ଯିବାକୁ ବାଧ୍ୟ ହେଉଛନ୍ତି।
ଏହି ଟ୍ରେନରେ ମାତ୍ର ଆଠଟି ବଗି ରହିଛି। କେନ୍ଦୁଝରରୁ-ଖୋର୍ଦ୍ଧା ଓ ଖୋର୍ଦ୍ଧାରୁ-କେନ୍ଦୁଝର ମଧ୍ୟରେ ଯାତାୟତ କରୁଥିବା ଲୋକମାନେ ସବୁବେଳେ ନାହିଁ ନ ନଥିବା ଅସୁବିଧାର ସମ୍ମଖିନ ହେଉଛନ୍ତି। ମୁଖ୍ୟମନ୍ତ୍ରୀ, କେନ୍ଦୁଝର ସାଂସଦ ଓ ରେଳ ବିଭାଗକୁ ବାରମ୍ବାର ଲୋକମାନେ ଦାବି କଲେ ମଧ୍ୟ ଆଜି ପର୍ଯନ୍ତ କୌଣସି ସୁଫଳ ମିଳିପାରିନାହିଁ। ରେଳ ବିଭାଗ ତୁରନ୍ତ ଏହି ଟ୍ରେନରେ ଅଧିକ ଚାରଟି ବଗି ଯୋଡିବା ସହିତ ରେଳ ସମୟ ସାରଣୀ ଅନୁଯାୟୀ ଚଳାଚଳ କରିବାକୁ କେନ୍ଦୁଝରବାସୀ ଦାବି କରିଛନ୍ତି।
