ନୂଆଦିଲ୍ଲୀ,୦୬/୦୨: ଶିରିଡ଼ି ସାଇ ବାବା ସଂସ୍ଥା ନିଶୁଳ୍କ ପ୍ରସାଦକୁ ନେଇ ବଡ଼ ନିଷ୍ପତ୍ତି ନେଇଛି। ଏଣିକି ସାଇ ବାବାଙ୍କ ଦର୍ଶନ ପାଇଁ ଆସୁଥିବା ଭକ୍ତଙ୍କୁ ଟୋକନ ପଦ୍ଧତିରେ ଦିଆଯିବ ମାଗଣା ପ୍ରସାଦ । ଭକ୍ତଙ୍କୁ ସାଇ ପ୍ରସାଦଳୟରେ ମାଗଣା ଭୋଜନର ଟୋକନ ଦିଆଯିବ । ଏହି ଟୋକନ ମାଧ୍ୟମରେ ଭକ୍ତମାନେ ଦର୍ଶନ ପରେ ସେମାନଙ୍କୁ କାଉଣ୍ଟରରେ ପ୍ରସାଦ ଦିଆଯିବ । ଏହି ନିଷ୍ପତ୍ତି ଶିରିଡ଼ିରେ ବଢୁଥିବା ଅପରାଧ ଯୋଗୁଁ ନିଆଯାଇଛି ।
ସୂଚନା ମୁତାବକ, ଶିରିଡ଼ି ସ୍ଥିତ ସାଇବାବା ସଂସ୍ଥା ଗତ କିଛି ଦିନ ଧରି ଚର୍ଚ୍ଚାରେ ରହିଛି । ସାଇବାବା ମନ୍ଦିରରେ କିଛି ଦିନ ପୂର୍ବରୁ ସଂସାଦ ଓ ଭାଜପା ନେତା ସୁଜୟ ବିଖେ କହିଥିଲେ ଯେ, ଶିରିଡ଼ିରେ ମାଗଣା ଭୋଜନ ବନ୍ଦ କରିଦେବା ଆବଶ୍ୟକ । ଶିରିଡ଼ିରେ ଦିଆଯାଉଥିବା ମାଗଣା ଭୋଜନ ଯୋଗୁଁ ରାଜ୍ୟର ସବୁ ଭିକାରୀମାନେ ସେଠାକୁ ଯାଉଛନ୍ତି । ଯାହାଦ୍ବାରା ଅପରାଧିଙ୍କ ସଂଖ୍ୟା ବୃଦ୍ଧି ପାଇଛି ।
ତେବେ ଶିରିଡ଼ିରେ ବଢୁଥିବା ଅପରାଧକୁ ରୋକିବା ପାଇଁ ବିଭିନ୍ନ ଉପାୟ ନିଆଯାଉଛି। ଗତ କିଛି ବର୍ଷ ଧରି ଭକ୍ତମାନେ ଶିରିଡ଼ିରେ ସାଇବାବାଙ୍କ ଦର୍ଶନ ପରେ ସାଇ ପ୍ରସାଦାଳୟରେ ନିଶୁଳ୍କ ଭୋଜନର ଲାଭ ଉଠାଉଛନ୍ତି । ଏହି ସ୍ଥାନରେ ପ୍ରତିଦିନ ୫୦ ରୁ ୬୦ ହଜାର ଲୋକ ଭୋଜନ କରୁଛନ୍ତି । କିନ୍ତୁ ବର୍ତ୍ତମାନ ଭୋଜନ ପାଇଁ ଟୋକନ ବ୍ୟବସ୍ଥାର ଆବଶ୍ୟକତା ରହିବ । ଶିରିଡ଼ି ସଂସ୍ଥାର ଭକ୍ତ ନିବାସରେ ଭୋଜନ ପାଇଁ ଟୋକନ ଦିଆଯିବ। ପ୍ରସାଦଳୟରେ ଟୋକନ ପାଇଁ ଅତିରିକ୍ତ ବ୍ୟବସ୍ଥା ମଧ୍ୟ କରାଯିବ । ଏହି ନିଷ୍ପତ୍ତି ଆଜିଠୁ ଲାଗୁ ହେବ । ତେବେ ଏନେଇ ଏକ ପ୍ରେସ କନଫରେନ୍ସ ଆୟୋଜିତ କରାଯାଇ ଏଭଳି ଘୋଷଣା କରାଯାଇଛି । ସାଇ ସଂସ୍ଥା ଏହି ନିର୍ଣ୍ଣୟ କିଛିଦିନ ପୂର୍ବରୁ ଶିରିଡ଼ିରେ ହୋଇଥିବା ହତ୍ୟାକାଣ୍ଡ ଓ ପୂର୍ବ ଭାଜପା ସଂସଦ ସୁଜୟ ବିଖେ ଦ୍ବାରା ବଢୁଥିବା ଅପରାଧ ଯୋଗୁଁ ଏଭଳି ନିଷ୍ପତ୍ତି ନିଆଯାଇଛି ।
